影片
更多
2021-07-29
214 瀏覽
呢幾日都比較忙碌，冇乜點樣好好享受生活。於是今日趁著中午嘅空檔，去食返餐omakase，享受下美食。前菜前菜係枝豆豆腐。平時都比較少食到枝豆豆腐，今次食到好開心。枝豆豆腐入口順滑，配搭醬油湯汁亦不失清新嘅感覺。食完前菜，就到手握壽司。間八 呢款黎自福岡嘅間八，口感韌中帶有少少脆感，肥而不膩，味道鮮美。魷魚配搭左海藻鹽同青檸汁調味，帶出魷魚嘅鮮味。池魚 呢款靜岡池魚手握壽司上面配搭蔥蓉，入口爽脆嫩滑，味道鮮甜而又帶有蔥嘅清香。鹿兒島赤身（吞拿魚）赤身係魚背油脂較低嘅部位，魚味濃郁，肉質鮮嫩而結實。平目魚呢款魚黎自靜岡，又稱左口魚。魚肉鮮味甘香，用上青檸汁調味，酸酸地幾清新。中吞拿魚腩呢款黎自鹿兒島，中吞拿魚腩肉質細嫩，脂肪較多，帶有甘香。小丼配北海道馬糞海膽及三文魚籽海膽同三文魚籽比得好多，大滿足。馬糞海膽口感奶滑濃郁，味道鮮甜，入口即溶。三文魚籽顏色晶瑩剔透，魚油鮮味甘香。配埋底下嘅醋飯，味道一流。食到呢個時候，店員會為我地換上焙茶，不苦不澀易入口。穴子黎自東京深海嘅海鰻。肉質細嫩滑口，好厚身，魚肉滿佈成個口入面，滿足感高。麵豉湯師傅提醒要攪勻飲。以淮山肉做麵豉湯嘅base，食左咁多壽
前菜
前菜係枝豆豆腐。平時都比較少食到枝豆豆腐，今次食到好開心。枝豆豆腐入口順滑，配搭醬油湯汁亦不失清新嘅感覺。
食完前菜，就到手握壽司。
間八
呢款黎自福岡嘅間八，口感韌中帶有少少脆感，肥而不膩，味道鮮美。
魷魚
配搭左海藻鹽同青檸汁調味，帶出魷魚嘅鮮味。
池魚
呢款靜岡池魚手握壽司上面配搭蔥蓉，入口爽脆嫩滑，味道鮮甜而又帶有蔥嘅清香。
鹿兒島赤身（吞拿魚）
赤身係魚背油脂較低嘅部位，魚味濃郁，肉質鮮嫩而結實。
平目魚
呢款魚黎自靜岡，又稱左口魚。魚肉鮮味甘香，用上青檸汁調味，酸酸地幾清新。
中吞拿魚腩
呢款黎自鹿兒島，中吞拿魚腩肉質細嫩，脂肪較多，帶有甘香。
小丼配北海道馬糞海膽及三文魚籽
海膽同三文魚籽比得好多，大滿足。馬糞海膽口感奶滑濃郁，味道鮮甜，入口即溶。三文魚籽顏色晶瑩剔透，魚油鮮味甘香。配埋底下嘅醋飯，味道一流。
食到呢個時候，店員會為我地換上焙茶，不苦不澀易入口。
穴子
黎自東京深海嘅海鰻。肉質細嫩滑口，好厚身，魚肉滿佈成個口入面，滿足感高。
麵豉湯
師傅提醒要攪勻飲。以淮山肉做麵豉湯嘅base，食左咁多壽司之後飲啖暖湯。
小卷
有三款，分別係牛蒡、乾瓢同埋黃蘿蔔。黃蘿蔔嗰款加入左紫蘇葉，紫蘇葉嘅香氣獨特迷人。
玉子蛋
最後係一件師傅親自整嘅玉子蛋，用上sake、砂糖、蝦蓉同埋蛋製成，比起平時嗰啲滑好多，帶有好似慕斯咁嘅口感。甜甜地，我覺得當甜品食都得。
呢餐係對自己呢幾日嘅一個獎勵。食完美食之後心情大好。
張貼
