上勝日本料理 (億利工業中心) (已結業)

之前仲係荔枝角返工個陣，LUNCH成日都幫襯，今日再黎原來已經搬左去新舖，好彩都仲係荔枝角，新舖係億利地下長沙灣道個邊，地點仲方便。餐廳裝修充滿日本風，掛滿哂日式燈籠。海膽雙魚丼今晚海膽沽清，改咗蟹肉，仲有三文魚同油甘魚，魚生好新鮮，三文魚好肥美厚身，油甘魚油脂好香，蟹肉清甜，壽司飯已經預先調左味，唔洗點豉油都好夠味。日式關東煮鍋之前每次返鄉下經過便利店都必食關東煮，估唔到呢度冇得叫，又可以懷緬一下鄉下既味道，關東煮湯底清甜，魚蛋煮到好林，好入味。龍蝦天婦羅第一次食龍蝦做既天婦羅，肉質彈牙爽口，天婦羅粉漿又夠薄。