丼瀛 (已搬遷) 新店位置

相識多年既好朋友升職，請我地一班好朋友請食飯，佢帶我地去佢公司附近呢間經常去既餐廳食晚飯，餐廳係工廈入面，係佢帶我去先知道呢間餐廳。今餐朋友話事，全部都係佢自己發版咁滯，首先就叫咗個柚子沙律，呢個係完全係水果既沙律，入面一條條絲既係蘋果絲嚟既，甜甜地，俾啲唔太鍾意食蔬菜沙律既人就啱。叫咗個燒海鮮既浜燒盛 - 丼瀛活貝大盛($298)，包咗幾款唔同海鮮，鮑魚、岩蠔、帆立貝同白蜆，啲海鮮全部都好大隻，而且新鮮即燒好香，特別係個帆立貝，加咗牛油燒，非常之香口。築地壽司杯($148)，呢個係我要求點既，因為見到咁多款刺身選擇就覺得好吸引，而且每杯細細地咁食幾過引，每杯飯同刺身既份量啱啱好每樣一半，每啖食落去都好平均，個海膽更加係有加多黑松露，好香口。丼瀛龍蝦刺身爆丼($228) - 大大隻龍蝦，入面既肉都有好多，又有幾款唔同既魚生，食完呢個已經好滿足北極光海膽杯($198) - 海膽控朋友自己叫咗呢個海膽杯，入面除咗有好多海膽，仲有三文魚籽，好鮮味好正食日本嘢點可以無壽司或者卷物，呢個加州東洋卷($78)都好好食，最鍾意佢上面好多蝦籽同沙律醬不過飯類咁多個嚟講大家都好偏愛呢個原條鰻魚炒飯($1