嵐橋日本料理

營業中

休息中

今次嚟到尖沙咀想食日本嘢就試咗呢一間嵐橋日本料理啦。入到去員工嘅服務好好，俾咗啲消毒濕紙巾同埋紙巾我哋，仲幫我哋斟茶。第一道菜叫左喜之次壽司同埋帆立貝壽司，之後叫咗兩件大拖羅刺身及油甘魚刺身，仲有一碟沙甸魚，啲魚生大大件，食落去真係好新鮮，食到我有種去咗日本海鮮市場嘅感覺，個沙甸魚好特別，撈埋紫菜一齊食好有層次感。熟食方面叫咗明太子雞串、雞軟骨同埋牛舌。三樣都燒得啱啱好，唔會太乾身，特別係牛舌，真係要讚一讚，燒得好好味有好香既牛味。之後，仲有叫埋關東煮，真係好有地道嘅感覺，每件關東煮都好入味，炆得好軟身。最後，仲叫咗個野菜湯手打烏冬，好重醬油味。如果鐘意食日本野既朋友，真係要黎食吓。