HIKARI

Book mark咗呢一間好耐，今次終於有機會嚟試吓啦，慶祝自己完成左一件大事🥰🥰。平日下午一點幾到店內得一枱客，Lunch嘅餐牌選擇唔算好多，不過樣樣睇落都幾吸引，我揀咗櫻花蝦海鮮飲管粉，另外加咗一個flat white。隔咗一陣個Flat white就嚟咗，有靚靚拉花好開心！個拉花線條好平均，不過唔知點解飲到一半有好多大泡。隔咗10分鐘個意粉都到，意粉賣相幾好仲好足料，落咗好多櫻花蝦，一食入口幾有驚喜，芥末忌廉汁個味都幾出，可能我唔食得辣食咗三份一開始覺得有少少嗆喉。呢間係OpenRice訂位午餐都有折，大家要多多利用呢個優惠啊！