豊 (已結業)

餐好嘅日本菜，我上網搜羅左好幾間omakase🍣，見到豊呢間最近多人推介，聖誕餐Menu亦算豐富，所以最後就決定搏吓試呢間新嘢！上到去見到裝修環境都好高雅，門口好有聖誕氣氛🎅🏼🎄，入面嘅裝修睇得出係花咗好多心思！當晚招呼我哋嘅係主廚梁師傅，佢好詳細介紹每一道菜，包括材料嘅來源地同每樣食材嘅醬汁佢都有講解，不過我當然係聽完都唔記得晒😅只記得前菜有五款，跟住有好幾款魚生🐟，我最欣賞就係天然拖羅、右口魚、西班牙紅蝦綠茶麵、仲有鮑魚添⋯⋯廚師啲擺碟都好精緻，份量好足，我太太仲話未食到壽司🍣已經有啲飽。我最初都諗住呢個價錢會唔會俾人搵笨，但食完我覺得性價比高，希望唔係因為新開張先咁足料，如果一路keep到，都算有星級水準👍🏻餐廳招呼都滿意，個經理都好友善同好面善，我太太話覺得似C君😆 另外，聖誕期間，仲送份小禮物🎁日式筷子🥢一對，貼心🥰食咗成晚，我唯一唔鍾意嘅就係個芝士味雪糕，可能個人口味關係……因為真係好芝士囉🤣