影片
更多
2022-04-04
2670 瀏覽
#throwback 記得封晚市堂食嘅前夕，我已經book定咗幾間餐廳，勢必要盡情食食食！😈 而其中一間就係「和牛焼肉純」啦～ 「和牛焼肉純」係JA全農集團旗下，由日本多個縣市直送和牛，全部和牛均為頂級A4/A5和牛，餐廳嘅牛肉料理有燒肉料理、釜飯、日式涮涮鍋、壽喜燒等。呢間我之前食過，印象中質素唔錯，只係有啲啲貴🤭 特別日子有設最低消費💰呢次因爲遲咗book，所以無得坐包廂😕 包廂有趟門，私人度較高，不過唔緊要，我同條佬被安排坐4人座位，座位寬敞舒適，唔會坐到好逼！❤️ 飛驒牛朴葉味噌燒 $380飛驒牛朴葉味噌燒係高山名物，係將味噌、飛驒牛與配菜一齊放上朴葉上火炙，目的係取朴葉其獨特香味！造型上同Menu有啲出入，無用迷你爐端燒炭爐呈上，而係將朴葉同其他材料一併放喺碟上，硬係覺得打卡無咁靚😂 飛驒牛有四小片，油花豐富，呈粉紅色，有好靚嘅霜降雪花紋😍 肉質非常柔嫩細膩，豐厚嘅油脂足以達到入口即溶嘅境界。可惜嘅係味噌嘅量太多，食起上嚟都幾鹹，甚至蓋過咗牛味😗 性價比唔算高～❤️ 特選日本產和牛肉眼&高級燒肉拼盤 $980呢個拼盤應該係呢間店最抵食嘅拼盤，兩個人食一定夠飽！呢個拼盤有特選日本產
呢間我之前食過，印象中質素唔錯，只係有啲啲貴🤭 特別日子有設最低消費💰呢次因爲遲咗book，所以無得坐包廂😕 包廂有趟門，私人度較高，不過唔緊要，我同條佬被安排坐4人座位，座位寬敞舒適，唔會坐到好逼！❤️ 飛驒牛朴葉味噌燒 $380
飛驒牛朴葉味噌燒係高山名物，係將味噌、飛驒牛與配菜一齊放上朴葉上火炙，目的係取朴葉其獨特香味！造型上同Menu有啲出入，無用迷你爐端燒炭爐呈上，而係將朴葉同其他材料一併放喺碟上，硬係覺得打卡無咁靚😂 飛驒牛有四小片，油花豐富，呈粉紅色，有好靚嘅霜降雪花紋😍 肉質非常柔嫩細膩，豐厚嘅油脂足以達到入口即溶嘅境界。可惜嘅係味噌嘅量太多，食起上嚟都幾鹹，甚至蓋過咗牛味😗 性價比唔算高～
❤️ 特選日本產和牛肉眼&高級燒肉拼盤 $980
呢個拼盤應該係呢間店最抵食嘅拼盤，兩個人食一定夠飽！呢個拼盤有特選日本產和牛肉眼、日本產和牛上牛排肉、日本產和牛牛排肉、壺漬牛胸外腹、牛舌及少量蔬菜💁🏻♀️
☞︎ 和牛肉眼好大片！已經切片，燒起上嚟更方便😎 口感軟腍，肉味豐腴，肉質肥美嫩滑。
☞︎ 和牛上牛排肉顏色較深，紋理均勻，有少少嚼勁。
☞︎ 和牛牛排肉油脂豐富，油潤感好重，脂香四溢！
☞︎ 牛舌係薄切，夠爽彈，燒到少少脆邊更加正！
☞︎ 壺漬牛胸外腹醃到好入味，好厚一條肉，要用鉸剪剪成一細細嚿，肉質實正得多有口感，燒耐少少好香口！壺內仲有唔少蔬菜添！所有和牛都好新鮮鮮嫩，可以一次過食到唔同不同口感！只係食到最後覺得好膩😂🤭
餐廳推薦度：⭐️⭐️⭐️⭐️(4/5)
和牛質素確係唔錯，坐得又舒服，店員都幾有禮貌，下次應該會過嚟食lunch，感覺lunch會抵食啲😝 今次都好滿足，有種去咗日本嘅感覺，嚟慶祝確係一流👏🏻
補返Menu先👇🏻
張貼
