影片
更多
2023-12-12
58 瀏覽
日本廚師發板食得多，秘魯菜仲未食過，兩樣夾埋一齊FUSION 更加未聽過，位於中環擺花街，位置同門面都帶點神秘感，單睇地址以為地舖好易見到，但原來需要行上一條小樓梯，門口緊閉需要用力一點推開一度厚門才可進入，當一推開門好似進入另一世界，臨近聖誕餐廳都佈置得好有氣氛，先穿過一個小酒吧區，然後進入用餐區，接待員同侍應每個都好有禮貌同笑容，每上一道菜都細心介紹，仲會溫馨提示特別位叫我地留意，的確有點玩味同有驚喜既。當晚只係星期四，除了全滿之外仲可以不停回枱，聽經理講一晚有時可以做三轉客。可能氣氛都幾好，全晚唱左三次生日歌，因為員工會捧上甜品同壽星祝賀，雖然重複地唱, 但佢地帶動得氣氛好好，不自覺都唱埋一份仲拍手歡呼，另有一枱十幾人既聚會，有D食完晚餐就到另一邊酒吧區繼續聯誼，如果鐘意熱鬧真係一個不錯既撰擇。其實睇完MENU都唔係好識揀，有廚師發板就最好不過，今次揀左個New Collection: Intoxicating - Please Chef Feed Me $540一位，九道菜CP值都幾高👍La Causa ($150): 天婦羅蝦配微辣醬, 開胃小食Ceviche Aromati
當晚只係星期四，除了全滿之外仲可以不停回枱，聽經理講一晚有時可以做三轉客。可能氣氛都幾好，全晚唱左三次生日歌，因為員工會捧上甜品同壽星祝賀，雖然重複地唱, 但佢地帶動得氣氛好好，不自覺都唱埋一份仲拍手歡呼，另有一枱十幾人既聚會，有D食完晚餐就到另一邊酒吧區繼續聯誼，如果鐘意熱鬧真係一個不錯既撰擇。
其實睇完MENU都唔係好識揀，有廚師發板就最好不過，今次揀左個New Collection: Intoxicating - Please Chef Feed Me $540一位，九道菜CP值都幾高👍
La Causa ($150): 天婦羅蝦配微辣醬, 開胃小食
Ceviche Aromatico ($175): 份量十足既鱸魚刺身沙律配酸味汁，上枱時噴上檸檬葉水，成個感覺好泰FEEL，都係一道醒胃菜
H&M2 ($180): 油甘魚&吞拿魚刺身配大葱牛油醬，第一眼覺得無平時日式刺身新鮮既肥美感，但食落又出奇地新鮮仲有魚油既香味，可能係柑橘檸檬味道提升左鮮味
Eryngii Maki ($110): 壽司卷物有鷄髀菇同牛油果，配香甜既味噌南瓜蓉都特別，同平常點wasabi又另一種風格，味道唔錯都幾夾
Kushiyaki ($115): 烤翠玉瓜茄子串，下面是醃車厘茄同茄醬，侍應會先摏爛蕃茄再蘸來吃，酸度十足解膩感
Picanh Mis Tres ($190): 牛冧扒串燒油份唔重但又好香肉味，而且非常軟淋
Yaki Nasu ($140): 茄子舖上辣椒醬、芝士、芫荽、粟米粒等，再加上微辣汁來燒好野味，將清淡茄子肉增加左層次感
God Package ($350): 呢個係我最鐘意既，荷葉包住鱈魚扒、鷹嘴豆蓉同醃洋蔥來焗，除左有葉香，肉質鮮嫩，醬汁仲有少少花生味，增加香味仲有口感
Lolita ($100): 抹茶蛋糕加雪糕同脆片，唔太甜剛剛好
除左開左支白酒，經理仲介紹左一杯COCKTAIL - Smoking Gun，送上小箱仔時已覺得好靚，一打開就來Smoking意境，先聞到清新既橙香，再配較重身既酒， 好似有種援衝感
5 瀏覽
0 讚好
0 留言
張貼
