元祖沾麵專門店

營業中

休息中

厚福街好多好野食，呢間沾麵店都幾出名。成日都見有人等位。所以都試左一次。入到去坐底環境感覺都唔錯，不過日本餐廳都幾少聽見話要收茶錢，呢度提供嚴選京都宇治抺茶 $5位，點其他飲品則可免收。元祖龍蝦沾麵 $105，石鍋滾熱辣沾麵湯，仲可以任加上湯，味道濃，有點咸，所以我都無加。食完麵後可以加木魚湯，溝淡啲飲個湯都唔錯。另外叉燒半肥瘦，麵質韌度適中。如果普通食沾麵我就未必會揀呢間，但如果想食特別口味，例如芝士，海膽，龍蝦等就可以食下無妨。