影片
更多
2022-11-12
552 瀏覽
#joyfood_中環TOKYOLIMA (中環)📍中環擺花街18-20號嘉寶商業大廈地下━━━━━━━━━━━━━━━━━━━━━━━━━━━━一直都好奇世界各地嘅飲食文化 所以一直都想多嘗試異國風情嘅餐廳😉 今次到訪嘅tokyolima融合日本和秘魯特色 齋聽就已經好有興趣 試完之後果然冇失望😎！趁住HK Restaurant Week有Special Menu 獨自前往餐廳一探究竟 $198 +10% 有齊三個Starters 一個Side 一個Main 同一個dessert 認真一個人無可能食得曬😳 都係打包咗大半 ━━━━━━━━━━━━━━━━━━━━━━━━━━━━🥗 Starter 🥗🍜 S.S. 2.0 ▶︎ 蕎麥麵墊底 上面鋪咗紫菜 椰菜 洋蔥 紅椒 枝豆 芝麻等 加上特製醬油汁 食落去微鹹 清爽程度好高 😋！▶︎ 無唸過蕎麥麵呢個主食會係前菜出現 不過因為麵嘅口感偏淋 加上菜嘅比例都多 所以完全唔會覺得滯 係幾出色嘅前菜👍🏻好味指數:●●●●○🍗 Ki-mo-chi ▶︎ 無骨嘅炸雞腿肉 配上特調嘅蛋黃醬 亦可以擠上一啲檸檬🍋▶︎ 雞腿肉非常嫩同有好多肉汁🤩 不過係想象到
TOKYOLIMA (中環)
📍中環擺花街18-20號嘉寶商業大廈地下
━━━━━━━━━━━━━━━━━━━━━━━━━━━━
一直都好奇世界各地嘅飲食文化 所以一直都想多嘗試異國風情嘅餐廳😉 今次到訪嘅tokyolima融合日本和秘魯特色 齋聽就已經好有興趣 試完之後果然冇失望😎！
趁住HK Restaurant Week有Special Menu 獨自前往餐廳一探究竟 $198 +10% 有齊三個Starters 一個Side 一個Main 同一個dessert 認真一個人無可能食得曬😳 都係打包咗大半
━━━━━━━━━━━━━━━━━━━━━━━━━━━━
🥗 Starter 🥗
🍜 S.S. 2.0
▶︎ 蕎麥麵墊底 上面鋪咗紫菜 椰菜 洋蔥 紅椒 枝豆 芝麻等 加上特製醬油汁 食落去微鹹 清爽程度好高 😋！
▶︎ 無唸過蕎麥麵呢個主食會係前菜出現 不過因為麵嘅口感偏淋 加上菜嘅比例都多 所以完全唔會覺得滯 係幾出色嘅前菜👍🏻
好味指數:●●●●○
S.S. 2.0
20 瀏覽
0 讚好
0 留言
🍗 Ki-mo-chi
▶︎ 無骨嘅炸雞腿肉 配上特調嘅蛋黃醬 亦可以擠上一啲檸檬🍋
▶︎ 雞腿肉非常嫩同有好多肉汁🤩 不過係想象到嘅味道 炸粉唔太厚 肉都唔會好肥 而且非常熱辣辣🔥
▶︎ 不過都係會感覺到外皮有啲油 食到最後會比較漏🥲
▶︎ 強烈建議加檸檬 再點醬😗 檸檬酸會好解膩 而醬嘅就係少少酸甜鹹 加咗醬味道變化不大 更多嘅係增添咗creamy嘅口感
好味指數:●●●◐○
Ki-mo-chi
29 瀏覽
0 讚好
0 留言
🥙 T-3
▶︎ 豐富嘅沙律 入面有各種蔬菜 南瓜 鵪鶉蛋 番茄 仲有啲脆脆嘅嘢係面頭 最後淋上秘製醬汁😲
▶︎ 菜全部好爽脆 其他配料都正常發揮 只不過呢個汁比較重口 食到最後會有少少鹹🤏🏻
好味指數:●●●●○
T-3
40 瀏覽
0 讚好
0 留言
━━━━━━━━━━━━━━━━━━━━━━━━━━━━
🧆 Side 🧆
🍠 Sweet potato fries
▶︎ 炸嘅番薯薄片同番薯條 配上同頭先炸雞一樣嘅mayo
▶︎ 兩者都有好重嘅紅薯味道 乾爽且唔係好油膩🤩 不過個人鐘意番薯條多啲 我覺得薄片唔夠脆 少少似薯片開口耐咗嘅口感😅 但係番薯條外脆內軟 番薯味更加突出💥
好味指數:●●●●○
━━━━━━━━━━━━━━━━━━━━━━━━━━━━
🥘 Main 🥘
🐔 Chicken Tacu Tacu
▶︎ 整整半只雞 底下收埋咗啲料理過嘅飯 仲有一啲甜椒作配菜
▶︎ 配咗好幾款汁😛 上面烤雞淋嘅汁係好溫和嘅鹹味 而配飯嘅就係兩種汁 黃黃哋色嘅有啲似蛋黃醬 紅色嘅就有少少辣味同鹹味 夾埋都幾重口味㗎 但係我鐘意🤭
▶︎ 雞嘅分量真係不少 肉質就不過不失👌🏻 大髀部分軟嫩多肉汁 不過其他部位就有啲柴🤨
▶︎ 反而秘魯飯好有驚喜！ 飯本身就有調味 望落黃黃地 食起上嚟偏淋 有陣香料嘅特別味道🤤 好鐘意飯之中仲夾雜住一啲豆 口感好豐富✨
好味指數:●●●●◐
Chicken Tacu Tacu
38 瀏覽
0 讚好
0 留言
━━━━━━━━━━━━━━━━━━━━━━━━━━━━
🍨 Dessert 🍨
🧁 Oye Papi
▶︎ 最底有幾塊朱古力布朗尼 旁邊有朱古力慕斯 上面淋咗朱古力醬 同埋有一球椰子雪糕和少許椰絲 層次都算豐富😙
▶︎ brownie同 mousse 食得出朱古力味 可惜實在太甜所以甜味蓋過咗朱古力味 而都係因為太甜所以越食越漏😨 好在椰子雪糕較為清爽 甜度亦偏低 算係可以解膩😖
好味指數:●●◐○○
Oye Papi
25 瀏覽
0 讚好
0 留言
━━━━━━━━━━━━━━━━━━━━━━━━━━━━
到訪日期: 5月底(午餐)
今餐快樂指數😋: ⑧⑧/①⓪⓪
性價比: 🌕🌕🌕🌕🌗(set真係抵到爆)
環境: 🟦🟦🟦🟦⬜️
服務分: 🔆🔆🔆🔆🔅
再訪意願: ❤️❤️❤️❤️🤍
━━━━━━━━━━━━━━━━━━━━━━━━━━━━
每日提醒👉🏻: 建議大家多啲人一齊黎食 咁份量就會比較適中👌🏻
━━━━━━━━━━━━━━━━━━━━━━━━━━━━
#香港美食 #中環美食 #中環餐廳 #中環 #tokyolima
#foodiehk #foodie #hkfoodie #hkfood
#fusion #秘魯菜 #日本菜
#restaurantweek #restaurantweekhk
張貼
