影片
更多
2024-03-28
7 瀏覽
呢日喺觀塘開源廣場附近發現有間日系餐廳，裝修走木系風格，座位闊落，感覺幾舒服。餐牌有多款一人餐選擇，價錢由$78- $99。見有個精選二人餐好豐富，價錢係$208，於是點咗呢個試吓。二人餐包餐湯，餐湯有好多款選擇，我哋點咗法式龍蝦濃湯，如果係一人餐嘅話，就需要加$10，但呢個二人餐係包埋。龍蝦湯好大碗，亦超足料，食到龍蝦肉𠻹。沖繩汁燒大根豬軟骨 - 豬軟骨有少少咬口，非常入味，大根亦整得好淋，好易入口。豚肉壽喜燒 - 除咗豚肉外，仲有芋絲、豆腐、菇類及大蔥等，好豐富。和風根菜雞肉漢堡扒咖喱飯 - 份量好多，尤其係幾款餸都多，男士都一定夠食。咖喱係typical嘅日式口味，味道唔辣，配埋漢堡扒、蓮藕、洋蔥、菇類等材料一齊食，非常開胃。餐廳選用來自日本嘅田牧越光米，入口非常軟熟，好香好好味。飲品有三款選擇，包括綠茶、蜂蜜紅茶和烏龍茶，冷熱均可。最後單點左個焙茶味布甸（$39）- 布甸非常creamy, 好滑溜。帶焙茶味，感覺不會太過heavy。
餐牌有多款一人餐選擇，價錢由$78- $99。見有個精選二人餐好豐富，價錢係$208，於是點咗呢個試吓。
二人餐包餐湯，餐湯有好多款選擇，我哋點咗法式龍蝦濃湯，如果係一人餐嘅話，就需要加$10，但呢個二人餐係包埋。龍蝦湯好大碗，亦超足料，食到龍蝦肉𠻹。
沖繩汁燒大根豬軟骨 - 豬軟骨有少少咬口，非常入味，大根亦整得好淋，好易入口。
豚肉壽喜燒 - 除咗豚肉外，仲有芋絲、豆腐、菇類及大蔥等，好豐富。
和風根菜雞肉漢堡扒咖喱飯 - 份量好多，尤其係幾款餸都多，男士都一定夠食。咖喱係typical嘅日式口味，味道唔辣，配埋漢堡扒、蓮藕、洋蔥、菇類等材料一齊食，非常開胃。
餐廳選用來自日本嘅田牧越光米，入口非常軟熟，好香好好味。
飲品有三款選擇，包括綠茶、蜂蜜紅茶和烏龍茶，冷熱均可。
最後單點左個焙茶味布甸（$39）- 布甸非常creamy, 好滑溜。帶焙茶味，感覺不會太過heavy。
張貼
