屋子 (已結業)

估唔到呢間位於將南嘅日系文青cafe性價比好高，我係閒日晚上嚟到，佢哋仲有dinner set。價錢由$89-98，每款套餐都配上味噌湯、前菜、甜品及飲品。咁抵食，唔怪之得閒日都滿場。壽喜燒牛肉鍋烏冬定食（$98）牛肉份量唔少，配料仲好豐富，有豆腐、菇、西蘭花、芋絲。底下嘅烏冬仲好煙韌😍呢個大推呀👍🏿蕃茄奶油燉雞定食（$98）本身以為個汁會濃味杰身，原來都幾淡，無咁鹹，較偏日式口味。雞肉份量就好多，但未算嫩滑。仲嗌咗啲小食同甜品~三文魚籽明太子玉子燒（$42）烤芝土章魚串（$35）小黃瓜（$35）巴斯克蛋糕（$58）Cream cheese 味非常濃郁，蛋糕質感軟滑，必嗌🤤