HIKARI

樓高兩層簡約木系風格，樓底高環境舒服😌坐門口窗邊對街景打卡位都幾Chill 。特別想讚下店員姐姐真係好Nice面帶笑容，真心感受到佢對人嘅友善，令到整個用餐體驗更加加分。呢度間唔中會換新Menu，今次去到又可以試吓新嘢。平日有Lunch Set ，還可以加配小食或甜品。咖啡同埋食物都好高水準。🔶汁燒廣島蠔水蓮扁意粉廣島蠔好大隻又鮮嫩，每條意粉都吸滿汁&食到蠔的鮮味，加上水蓮令口感更豐富。🔶香煎北海道帆立貝黑松露意大利飯帆立貝size又係好大粒，每粒都煎到剛剛好，食落好鮮甜，意大利飯好香濃，口感煙煙韌韌，加入黑松露醬香氣四溢。🔶黑白窩夫竹炭味的窩夫好香脆，中間鋪滿新鮮水果同埋奶蓋，再加上藍莓醬汁，一齊食超夾。🔷Latte 🔷丸牛小山園抹茶鮮奶咖啡拉花好靚， Latte 飲落好順滑，Matcha Latte 揀咗轉燕麥奶，抹茶味好香濃，又唔會太過苦澀。