三原 (Cubus)

營業中

休息中

最近愛上鐵板燒，成日想試唔同餐廳，今次去了銅鑼灣- 三原 ，環境裝修有格調，有十多個座位，我好鍾意坐吧枱可以一邊享受美食一邊欣賞師傅手藝。由日本師傅三原 操刀好有工架。店員服務亦親切有禮，每道菜式都會詳細介紹。這裡食材高質、擺盤靚👍🏻，非常之享受的用膳體驗。✨前菜：🔶日式沙律🔶食材新鮮，配合夏天師傅在沙律加入了特調芒果醬汁，更清新開胃。✨蒸物：🔶茶碗蒸🔶在鐵板上整的茶碗蒸，蒸蛋上面有一層蟹肉羹，加上蟹籽提鮮，口感滑嘟嘟整個非常鮮味，這個茶碗蒸我超喜歡😍（好想食多碗）✨主菜：🔶北海道帶子🔶帶子Size超大隻，用了粟米粉絲包裹帶子增加酥脆口感，上面再放上他他+ 三文魚籽，最底下是日本節瓜，切開一啖食晒所有食材口感豐富，煎到外面脆脆而帶子仍然保持鮮嫩👍🏻🔶香煎銀雪魚🔶師傅將魚皮同魚肉分煎，魚皮煎到脆卜卜，銀雪魚肉鮮嫩，配上特製紫菜汁 &麵豉汁非常夾。🔶A4宮崎和牛壽喜燒牛肉卷🔶牛肉我要五成熟，所以師傅幫我只輕輕煎一煎個牛，再加入壽喜燒汁，配搭生蛋黃一齊食牛肉更嫩滑，好食到不得了，連其他配菜-菠菜、豆腐、冬菇等都一樣好好食。✨飯：🔶蒜香炒飯🔶炒飯熱辣辣香噴噴，米飯粒粒分明蒜香味濃，份量亦好多。