影片
更多
2020-10-07
2292 瀏覽
經過第三波疫情後，一家人都好耐冇出嚟食飯。所以，難得出嚟，揀咗一間對我嚟講比較貴嘅餐廳消費下。由於時代廣場出名泊車打蛇餅，所以決定輕輕鬆鬆食頭圍11點半。 一去到，啲職員好有禮貌，亦都好好招呼。水準亦keep到全程，例如加滾水呢啲全部自動波，我地近乎冇需要出過聲。可能係疫情關係，啲枱擺放得疏，亦有隔板，環境清靜，傾計一流。一打開餐牌，選擇太多，最後決定叫個中秋節套餐，唔駛煩。（唔記得影餐牌，好彩有keep單。）先嚟一個燉湯，好飲，足料。之後係無花果天下第一豬，都係好味，個皮夠脆。（本來有6/8件，食食下至醒起影相）之後係大蝦，呢個稍為失色啲，有點乾身，不過都好食嘅。花膠鵝掌，老人家很喜歡。食到雞呢度菜，部分成員已經飽，我差不多食咗半煲。味道也不錯。金瑤帶子粒炒飯，好足料嘅炒飯，試咗兩啖，決定打包番去嘆。最後係糖水，普通。總括來說，很滿意這餐。
由於時代廣場出名泊車打蛇餅，所以決定輕輕鬆鬆食頭圍11點半。
一去到，啲職員好有禮貌，亦都好好招呼。水準亦keep到全程，例如加滾水呢啲全部自動波，我地近乎冇需要出過聲。
可能係疫情關係，啲枱擺放得疏，亦有隔板，環境清靜，傾計一流。
一打開餐牌，選擇太多，最後決定叫個中秋節套餐，唔駛煩。
（唔記得影餐牌，好彩有keep單。）
先嚟一個燉湯，好飲，足料。
之後係無花果天下第一豬，都係好味，個皮夠脆。（本來有6/8件，食食下至醒起影相）
之後係大蝦，呢個稍為失色啲，有點乾身，不過都好食嘅。
花膠鵝掌，老人家很喜歡。
食到雞呢度菜，部分成員已經飽，我差不多食咗半煲。味道也不錯。
金瑤帶子粒炒飯，好足料嘅炒飯，試咗兩啖，決定打包番去嘆。
最後係糖水，普通。總括來說，很滿意這餐。
張貼
