松屋

營業中

休息中

早出嚟尖沙咀做嘢，知道從開咗。就特登早啲出嚟食個早餐。因為早都冇乜人排隊，但係侍應安排入座就差少少，明明有位又無人又唔俾選位。再同佢講冇人，佢先俾我唔使坐「面壁思過」位。上次去日本嘅時候都冇試過味噌豬肉湯。套餐小食就叫左牛肉。另外就加咗一份山藥泥。個味噌湯飲落去記錄，但係唔會太鹹，如果加泡菜嚟食應該幾好味個牛肉份量就預咗佢少㗎啦，因為係跟餐小食，但係就覺得佢鹹咗少少。咁就先整咗一個山藥牛肉飯，紫菜加埋啲山藥泥，滑得嚟又唔會太寡口。跟住留咗大半飯，整埋豬肉湯飯。用個湯嚟撈飯真係一流，初頭仲驚佢啲湯會太多，點知倒咗落去剛剛好。薯仔煮得好腍，蓮藕都有少少脆口，豆腐亦都好滑。另外服務嗰方面都有個小插曲，始終都係新，可能唔熟。攞餐嘅時候佢同我講份餐齊啦，但係其實裏面少咗份紫菜同埋個薯蓉。可能嗰啲係已定嘅配料，所以電腦單上邊冇寫，店員就唔為意冇執齊，之後執得多應該冇呢個問題。除咗個牛肉有少少失望，其他都唔錯。早食來講，性價比都係高。