明記粉麵茶餐廳

營業中

休息中

住呢一度附近，經常都會嚟呢一間明記食嘢，一來係一個習慣，二來呢間嘢味道都非常之唔錯。放假星期六日就一定會食佢嘅常餐，朝早叫嘅湯常係雪菜肉絲米線，米線都係最近先發現嘅，唔知原來佢都有米線叫，個質地都OK，但係鍾意食硬身嘅可能就唔會太鍾意，因為都比較腍嘅，另外呢就會叫返煎蛋再加午餐肉，不過佢有時會比較飄忽一啲，有時佢會將佢撈埋炒成奄列，有時就會分開，但係重點係兩隻都好食嘅，奄列會係有少少生嘅感覺，個質感呢就會更加美味啦，而且佢個奶茶係非常之好飲。