金翠餐廳

營業中

休息中

難得放假出門食個靚早，同朋友走左去太子間金翠餐廳。餐廳裝修好有香港特色，有好多充滿香港味道既霓虹燈裝飾同埋招牌，好多打卡位。有個位仲左部以前細個係啲士多仔或者文具舖先見到既舊式扭蛋機，$5蚊就可以扭個彈波波出黎玩，都幾得意。叫左份吉列魚柳做早餐，搭配埋茶餐廳早餐必備既炒蛋多士，仲有配埋沙律。早餐黎講夠哂飽肚！朋友就叫左餐廳特色既羅宋湯雞扒通粉兩份早餐連埋杯凍檸茶走甜埋單一百蚊左右。食到飽一飽先走。