古珐蛋糕 (花園街) (已結業)

打開雪櫃發現有2 盒蛋糕🍰， 一盒朱古力一盒芝士。 芝士已經食晒剩返好少，咁我就食朱古力🍫啦。 朱古力蛋糕🍰面上面有好多朱古力粒粒，切開裏面呢係朱古力雲石蛋糕嚟嘅。 非常香濃嘅朱古力味，有啲似食朱古力雪糕蛋糕，雖然雪左係雪櫃已經兩日，但係依然鬆軟、凍凍地， 不會過甜又不膩。 睇埋盒側邊嘅簡介，原來仲可以熱食。 咁我就切多一大舊放喺焗爐試一試先，焗完出嚟有小小溶溶地嘅效果，雖然未至於好似焗朱古力軟心蛋糕咁流心朱古力醬，但係面嘅朱古力粒粒同埋最底嘅一層比較厚嘅朱古力就有少少溶嘅感覺，食落鬆軟加埋朱古力漿雙重口感都幾特別㗎。做早餐一流。