古珐蛋糕 (花園街) (已結業)

對簡單的古早味蛋糕一向偏愛🍰頗留意有好評的蛋糕店👍偶爾看了這裡的食評全部都俾like😋，再查看google map的評論也頗高分📈大除夕提早下班決定一試🎆而且篤定要試。為怕去到沒有想吃的味道，所以online訂了，還要求，店舖位置開在不算熱鬧的街道，但很容易找到😉到達後出乎預期的一個客人也沒有🤔但店員很有禮，也開開心心的招呼我這個唯一的客人，而且主動說為我留下😃也說可打開查看，只是我不想麻煩店員，就說不用打開了，可惜回家一看，還是一個邊位部分，有些失望啊☹️至於味道嘛！我會形容為不過不失吧👌(可能我要求比較高些😁)蛋糕很軟熟、夠濕潤、甜度恰到好處，我覺得這是古早蛋糕的基本要求，食過比這個不堪的🥴也食過能與這個平起平坐的✅選了這個香芋椰蓉味🥥蛋味就沒那麼出色了🥚但蛋糕有淡淡的芋蓉和椰香香味，說到尾還是滿意的🈵值得稱讚的是他們良好的服務態度，蛋糕水平也不錯，希望下次有機會試其他味道🥰

古早味蛋糕，真係聽就聽得多！行過太子見到開左一間古早味蛋糕，就買個試下佢啦！嘩！原來一個都好大個下！兩個人一定食唔晒！同埋原來有好多味可以揀！好吸引！都唔知食邊個好！個個都好想試！最後買左醬爆芝士！係有勁多芝士架🤤🤤🤤好味！又方便！個盒打晒可以放幾耐點放自岩！唔怕唔記得！凍食又得！熱食又得！我自己比較喜歡熱食！又香又軟🥰最緊要係佢係零香精，零色素，零防腐劑！比小朋友做早餐都好放心！但大家記得要盡快食晒佢丫！咁記新鮮又好食！

終於終於嚟咗買😍記得之前呢一間得九龍城有店之後而家去太子都開咗一間！一場嚟到叫咗一個原味同一個比較特別嘅味可以開心share比屋企人一開頭見到新鮮出爐 d蛋糕動L動L 即刻心心眼我試咗個鹹蛋黃味嘅蛋糕個味道都幾特別 一咬開就有香濃嘅鹹蛋黃味湧出嚟食落去口感都幾豐富 因為會有啲鹹蛋黃碎粒係蛋糕裏面 另外原味嘅蛋味就比較重口感綿綿地 好似置身左係一個軟軟床褥裏面咁下次再嘗試買香芋同朱古力味 味道應該都會唔差啊😍

打開雪櫃發現有2 盒蛋糕🍰， 一盒朱古力一盒芝士。 芝士已經食晒剩返好少，咁我就食朱古力🍫啦。 朱古力蛋糕🍰面上面有好多朱古力粒粒，切開裏面呢係朱古力雲石蛋糕嚟嘅。 非常香濃嘅朱古力味，有啲似食朱古力雪糕蛋糕，雖然雪左係雪櫃已經兩日，但係依然鬆軟、凍凍地， 不會過甜又不膩。 睇埋盒側邊嘅簡介，原來仲可以熱食。 咁我就切多一大舊放喺焗爐試一試先，焗完出嚟有小小溶溶地嘅效果，雖然未至於好似焗朱古力軟心蛋糕咁流心朱古力醬，但係面嘅朱古力粒粒同埋最底嘅一層比較厚嘅朱古力就有少少溶嘅感覺，食落鬆軟加埋朱古力漿雙重口感都幾特別㗎。做早餐一流。

馳名古早蛋糕這陣子聽到好多朋友仔都食過「古珐蛋糕」的蛋糕，聽講九龍城店好多人排隊添，而最近太子開了分店，太子地鐵站對面非常方便，我行開花墟買了一個人氣新口味的香芋椰蓉，返到屋企一打開就聞到都話好香，放入口還軟綿綿，好有口感及好味😋

最近經過花墟附近發現了這間不錯的古早味蛋糕呢。小店有多款口味，款式都相當特別，出面比較少見。共有八款口味，價錢方面適中，不算太貴。個人挺喜歡它的包裝盒，Logo很可愛，十分顯眼。店內位置很闊，位置大得可以放幾張桌椅。他們的出品零香精、零色素及零防腐劑，真的在遠處已經看到標示haha。今次嘗了香芋椰蓉口味，表面舖滿了滿滿焦香的椰絲，相當香甜。配上裡面的香芋餡料，蛋糕依然有口感以及綿密，保持到蛋糕滿滿的水份。蛋糕少糖少油，可以食得健康點，而且還有款鹹蛋黃口味都超吸引!!!下次要再去嘗一嘗。

最近很流行吃古法蛋糕，好像還是第一次吃這種古法蛋糕🍰。 聞說這間古法蛋糕連周潤發都經常到訪幫襯，而且同屋企都好近，所以就專程揸車落去買了。老實説蛋糕外貌實在不吸引，款式選擇亦都唔算很多，大概六至八款左右，但係經過門口已經聞到蛋糕香，是一種會吸引你走入去嘅味道。今次選了經典雙重芝士古法蛋糕🍰， 可以放三日，可以放雪櫃雪冰來説， 都可以微波爐叮熱來吃。我就比較喜歡熱食， 芝士味非常突出，蛋糕軟綿綿的， 難怪這麼多人排隊冇嘢來了。

最近大熱食物，非古早蛋糕莫屬。蛋糕店開到成行成市，聽聞古珐蛋糕連發哥都成日幫趁，今日跟過太子分店一於試下。原來有好多口味選擇㗎，原味芝士同鹹蛋黃都好想試。不過同行嘅小朋友話要食朱古力，唯有滿足下佢啦。一返到屋企小朋友就急不及待話要食啦，蛋糕質感好有彈性，咬落去好鬆軟。入面仲有原粒朱古力，多重口感。蛋糕仲係零香精零色素零防腐劑，健康又好味！至於分量都好足，當日食唔晒放咗喺雪櫃，第二日拎返出嚟叮嚟食都仲係好鬆軟。

成日見到街上有好多古早蛋糕。但都係無買黎食🤣今次去花墟買盆栽，見到呢一間古珐蛋糕裝修乾淨個公仔又得意所以就決定幫襯啦❤️其實最主要都係俾d香氣吸引住我吖再加上發個之前有幫襯過咁當然要去朝聖一下啦❤️有好多唔同嘅味道真係唔知揀邊隻有選擇困難症嘅我決定搵店員幫手最後揀咗鹹蛋黃味❤️❤️店員話比較多人買熱賣款❤️❤️個公仔好可愛吖😁😁其實返到屋企都即時食佢但係都食唔晒第二日下午茶嘅時候再攞咗出嚟食但係唔需要焗唔需要返熱蛋糕都係好彈。好鬆軟仲有一浸浸鹹蛋黃香嘅味道配返杯熱茶再睇埋個劇真係人生一大享受

最近古早蛋糕好出位，四圍都會見到唔同既舖頭。今日我就揀左依間買黎試下，佢一共有8款口味，因為太難選擇啦，款款都想試，所以最後我就買左新鮮出爐既鹹蛋黃蛋糕🤤好香好軟熟，食落真係有鹹蛋黃，而唔係得小小既鹹蛋黃醬👍🏻仲有蛋糕係無色素，無防腐劑，無香精！食都食得安心d！連我爸平時唔食蛋糕今次都拎黎食另外佢近期宇治抹茶蛋糕仲做緊優惠，先賣$45！好抵

條紋朱古力蛋糕好特別😛最近真係好Hit古早味蛋糕🍰經過太子又聞到好香，吸引著我！身為朱古力控緊係試朱古力味蛋糕🍫中間仲見到啲條紋，靚得嚟又幾好食啵蛋糕夠鬆軟，朱古力味好重🤤最中意係面頭啲朱古力粒粒😍

做嘢經過旺角見到有間古早味蛋糕就買番屋企俾大家一齊食下～有幾款口味，我就揀咗囝囝囡囡都中意嘅芝士味☺️好香雞蛋味，而且超級鬆軟，仲有啲芝士醬，好好味！大人小朋友都中意，早餐食或者下午茶時候食都得😋新鮮食好味，之後第二日擺落雪櫃雪凍咗之後用微波爐翻熱都一樣咁好味！下次再試吓其他味道先💖

仔仔去太子爹爹公司玩，經過「古珐蛋糕」香噴噴！仲比仔仔見到有佢喜愛嘅芝士味啊，又點會放過我丫！我哋當然抄揀左《醬爆芝士蛋糕》。仔仔一回家即時要切開黎食啦！芝士蛋糕好香，味道唔算話太重，我都食到（唔食芝士的我）唔駛講仔仔緊係好鐘意啦！睇佢個樣就知有幾好味😋媽媽覺蛋糕非常鬆軟！下次出開去又再買其他味先，想試佢哋嘅《香酥肉鬆味》同《朱古力味》🤤大家經過開都可以買番個番屋企☺️☺️💚💚💚💚💚💚💚💚古珐蛋糕太子花園街224號地下C號舖電話: 27696662💚💚💚💚💚💚💚💚

📍古珐蛋糕近年越黎越多店都賣古早蛋糕😆而且每一間店都有佢哋比較特色嘅味道😋呢一間係小編喺香港食嘅第二間古早蛋糕店🥰佢哋賣嘅蛋糕口味選擇都幾多🤤比較特別嘅味道有檸檬味、鹹蛋黃同埋香芋椰蓉古早蛋糕🤭咁小編今次就揀咗鹹蛋黃黎試😋- 鹹蛋黃蛋糕 $85呢款口味幾特別🙆🏻‍♀️食落去蛋糕鬆軟🤤而且好有蛋香🥰蛋糕中間有鹹蛋黃粒 份量我覺得適中唔算好多😆蛋糕可以常溫食、熱食同埋凍食☺️唔同食法個口感都唔同🤭個人最鍾意熱食 蛋糕會鬆軟啲蛋香都會出啲😋-佢哋另外有隻新款口味係香芋椰蓉🤤 好似都幾吸引咁🤤 如果大家有興趣嘅話 去之前要留意吓你想食嘅嗰隻款係嗰一日有冇供應🤭 因為佢哋店有啲款係要星期六日先供應 如果你平日去買嘅話係買唔到㗎😳✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎✏︎綜合食評外觀：★ ★ ★ ★ ☆回頭率：★ ★ ★ . 5抵食指數：★ ★ ★ . 5

呢排成日都見到啲朋友話要去買古法蛋糕，其實我真係一次都未食過！噤啱要去太子做嘢就問下仔仔想唔想食，仔仔話想啊想啊，我就順便黎呢度買喇！入到黎店舖都幾大即刻望下有咩味揀先！有多款口味㗎，有原味，朱古力，宇治抹茶，清新檸檸，爆漿芝士，鹹蛋黃同香芋棷蓉，我就揀左肉鬆蛋糕！店員好細心噤話比我知，最好係即日食啦，食唔哂可以放雪櫃嘅，不過由於無加防腐劑，所以都係要盡早食！好喇，終於返到屋企，一打開，蛋糕面舖滿肉鬆，切嘅時候仲感覺到個蛋糕仲好軟綿！第一啖放入口，肉鬆同個蛋糕簡直係perfect match啊！肉鬆夠香，蛋糕夠軟綿，口感一流！而且個蛋糕超濃雞蛋味，好正啊！下次要試埋個朱古力同爆漿芝士先！