影片
更多
2022-07-17
271 瀏覽
一早起身去維園跑步，之後落左嚟天后「Caffe Kenon」食早餐。之前上網睇左資料，知道店舖 9am 就開門營業，所以專登早啲嚟幫襯。由帆船街側門內進，餐廳面積不大，只有約 14 個座位，裝潢簡潔，以淺木色為主調，配上牆架上嘅小擺設，環境清幽雅緻，予人舒服寧靜之感。我哋每人揀左一份早餐，炸魚柳配他他汁、煎蕃茄、沙律、多士及雙蛋+凍檸檬茶 ($58) 率先送上，魚柳即點即炸，上桌時呈金黃色，魚肉厚度適中，紋理分明，入口外脆內嫩。將多士轉左做牛角包 (+$10)，牛角包香脆鬆軟，入口散發住陣陣牛油香，正。雙蛋可選太陽蛋、炒蛋或反蛋，平時食得太陽蛋多，今次就試下反蛋。雞蛋煎得啱啱好，蛋白雖然已完全凝固，但蛋黃仍帶點濕潤，入口啖啖蛋香。另外呢客 Deluxe All Day Breakfast ($168) 亦唔野少，睇下份量幾足，有炒蛋、煎蕃茄、焗豆、煙肉、西式腸仔、沙律、多士同薯餅，另外仲包兩杯飲品，意大利泡沫咖啡同橙汁，相當豐富，就算兩個人 Share 嚟食都應該夠飽。檯上已放有牛油和果醬，可以自行用來塗上多士享用。腸仔唔會過鹹；煙肉夠厚，富煙燻味；薯餅炸至脆卜卜，金黃色，很吸引，
一早起身去維園跑步，之後落左嚟天后「Caffe Kenon」食早餐。之前上網睇左資料，知道店舖 9am 就開門營業，所以專登早啲嚟幫襯。
由帆船街側門內進，餐廳面積不大，只有約 14 個座位，裝潢簡潔，以淺木色為主調，配上牆架上嘅小擺設，環境清幽雅緻，予人舒服寧靜之感。
我哋每人揀左一份早餐，炸魚柳配他他汁、煎蕃茄、沙律、多士及雙蛋+凍檸檬茶 ($58) 率先送上，魚柳即點即炸，上桌時呈金黃色，魚肉厚度適中，紋理分明，入口外脆內嫩。將多士轉左做牛角包 (+$10)，牛角包香脆鬆軟，入口散發住陣陣牛油香，正。
雙蛋可選太陽蛋、炒蛋或反蛋，平時食得太陽蛋多，今次就試下反蛋。雞蛋煎得啱啱好，蛋白雖然已完全凝固，但蛋黃仍帶點濕潤，入口啖啖蛋香。
另外呢客 Deluxe All Day Breakfast ($168) 亦唔野少，睇下份量幾足，有炒蛋、煎蕃茄、焗豆、煙肉、西式腸仔、沙律、多士同薯餅，另外仲包兩杯飲品，意大利泡沫咖啡同橙汁，相當豐富，就算兩個人 Share 嚟食都應該夠飽。
檯上已放有牛油和果醬，可以自行用來塗上多士享用。腸仔唔會過鹹；煙肉夠厚，富煙燻味；薯餅炸至脆卜卜，金黃色，很吸引，入口粒粒薯肉，美味。
意大利泡沫咖啡水準亦一流，拉花圖案美觀，泡沫細緻綿密，咖啡味亦夠晒香濃，誠意十足。
張貼
