花月庭 (已結業)

花月庭嘅自助餐就食得多啦，早餐真係第一次食，估唔到選擇都算幾多。淨係飲品，都已經有熱檸茶咖啡，果汁等等嘅選擇。亦都有芝士、三文治、火腿。沙律都有好多蔬菜選擇。麵檔朝頭早都有廚師即叫即整，有河粉、油麵、魚蛋、貢丸等等比食客揀，味道都尚可以嘅。雞粥都幾綿滑。亦都有專人炒蛋同埋煎蛋，個蛋都幾滑。最後，早餐時段都有甜品食，有窩夫、雞蛋多士、麵包布甸，不過我真係太飽啦，最尾冇試到呢樣野。如果住酒店，四歲以下小童係可以免費入嚟食早餐。