影片
更多
2020-06-02
299 瀏覽
同好耐冇見嘅朋友約食飯，朋友話想去一間叫「桔梗」嘅餐廳食。一聽個名就以為係柑桔。上網google先知原來係一種植物。Book左六點，未到六點已經見店門口有長長的人龍。一入去，就見個樓底好高，覺得好大，好寬敞！望真d原來有兩層！爭d懷疑自己喺咪真係喺香港。香港竟然有咁大嘅地方？松露菇威士忌藍莓燉飯好特別，松露嘅香同藍莓嘅酸甜出奇地配合。真係諗唔到有咁嘅配搭呢！驚喜之作！👍🏻美國牛仔骨有三件。我同朋友三人，一人一件剛剛好。唔知係我問題定點，我同朋友都覺得好難切。本身重驚佢會冇乜肉食，點知啖啖肉，肥瘦適中，牛肉味濃，BBQ醬同肉嘅份量配合得宜，唔會太多醬或太少醬。旁邊嘅配菜亦不遜色。配菜種類都頗多。有西蘭花🥦、翠玉瓜、粟米、四季豆同埋燈籠椒。全部蔬菜都好新鮮但唔會有草青味，讚！最想推介最唔起眼但係好好食嘅薯蓉。薯蓉放喺d蔬菜嘅底，可能冇乜人會留意佢。但係我自認係薯仔嘅粉絲，所以佢逃唔過我一對法眼！呢個薯蓉望落去特別白。可能係加左牛油或者忌廉，入口特別香同滑！有侍應見我地食剩d薯蓉諗住過黎收左隻碟，我就即刻阻止，因為想食埋佢。可想而知d薯蓉係幾好味啦。特製雞中翼雖然話係前菜，但係估唔到佢有咁多
Book左六點，未到六點已經見店門口有長長的人龍。一入去，就見個樓底好高，覺得好大，好寬敞！望真d原來有兩層！爭d懷疑自己喺咪真係喺香港。香港竟然有咁大嘅地方？
松露菇威士忌藍莓燉飯好特別，松露嘅香同藍莓嘅酸甜出奇地配合。真係諗唔到有咁嘅配搭呢！驚喜之作！👍🏻
美國牛仔骨有三件。我同朋友三人，一人一件剛剛好。唔知係我問題定點，我同朋友都覺得好難切。本身重驚佢會冇乜肉食，點知啖啖肉，肥瘦適中，牛肉味濃，BBQ醬同肉嘅份量配合得宜，唔會太多醬或太少醬。旁邊嘅配菜亦不遜色。配菜種類都頗多。有西蘭花🥦、翠玉瓜、粟米、四季豆同埋燈籠椒。全部蔬菜都好新鮮但唔會有草青味，讚！最想推介最唔起眼但係好好食嘅薯蓉。薯蓉放喺d蔬菜嘅底，可能冇乜人會留意佢。但係我自認係薯仔嘅粉絲，所以佢逃唔過我一對法眼！呢個薯蓉望落去特別白。可能係加左牛油或者忌廉，入口特別香同滑！有侍應見我地食剩d薯蓉諗住過黎收左隻碟，我就即刻阻止，因為想食埋佢。可想而知d薯蓉係幾好味啦。
特製雞中翼雖然話係前菜，但係估唔到佢有咁多隻！重隻隻都咁大隻！雞翼皮脆肉嫩。側邊有醬汁可以點。個醬汁係是拉差。怕辣嘅朋友唔好點咁多，因為點少少已經好辣，但嗰種辣唔會令你辣到食唔到，只係為雞翼添上另一份滋味。
最後食埋個甜點就為呢一餐飯畫上完滿嘅句號啦。心太軟上撒了一些玫瑰花瓣，甜品師傅更在碟上用朱古力醬畫了一些花紋做裝飾。除此之外，還在碟上撒上了一些杏仁碎。心太軟朱古力味濃，但甜左少少。配上雲尼拿雪糕，一冷一熱，口感特別。偶爾還吃到杏仁碎粒，添了幾分口感。
我們三人各自點了一壺茶，分別是玫瑰蜜桃茶、洛神莓果茶和雲霧玉露煎茶。玫瑰蜜桃茶和洛神莓果茶味道差不多，都是酸酸甜甜的，分別不太大。而且兩者都是橙紅色。稍有不同的是玫瑰蜜桃茶有經很香的蜜桃味。雲霧玉露煎茶味道像玄米茶，味香而甘。
美國牛仔骨
8 瀏覽
0 讚好
0 留言
張貼
