影片
更多
2024-02-15
42 瀏覽
上個禮拜另一半生日，同佢一齊食呢間Omakase ，晚市統一$1880，要預先訂座同畀訂，因為師傅要早一日order啲食材。店內外裝潢非常雅致，吧枱坐到十個客人左右，可以近距離同師傅溝通。師傅十分熱情好客，亦都相當有經驗，喺日本有做過廚師，喺香港亦都做咗omakase九年之長。用膳期間每道菜都會詳細介紹，亦都會講解一啲傳統文化或者菜式背後嘅寓意，信手拈來，除咗食之外同時都了解咗日本嘅文化🎏師傅一嚟就介紹咗條好特別嘅魚——赤矢柄，我都未曾見過呢種魚。咁大條魚淨係片咗魚背備用，其他部分都唔會食，十分矜貴✨✨因為接近農曆新年，師傅準備咗一系列日本新年嘅應節食品作前菜，包括海老、甘粟、黑豆、昆布漬物等等，各有含意，師傅都一一解釋，真係估唔到食餐飯都可以長咁多知識😆😆跟住先上一碗清湯，配料有車海老、雞同紅白蘿蔔，湯頭好鮮甜，配上柚子，非常清爽，係一個好開始。暖完胃後開始刺身環節，首先係啱啱師傅展示嘅赤矢柄（好爽口）、縞鰺（真係師傅介紹先會認識嘅魚，好彈牙，食omakase就係要食呢啲💯💯）、白蝦刺身（好鮮甜，慢慢食，唔捨得食完🥹）、香箱蟹（啖啖肉，蟹腳下面全部都係蟹膏，非常滿足🤤）
店內外裝潢非常雅致，吧枱坐到十個客人左右，可以近距離同師傅溝通。



師傅十分熱情好客，亦都相當有經驗，喺日本有做過廚師，喺香港亦都做咗omakase九年之長。用膳期間每道菜都會詳細介紹，亦都會講解一啲傳統文化或者菜式背後嘅寓意，信手拈來，除咗食之外同時都了解咗日本嘅文化🎏
師傅一嚟就介紹咗條好特別嘅魚——赤矢柄，我都未曾見過呢種魚。咁大條魚淨係片咗魚背備用，其他部分都唔會食，十分矜貴✨✨


因為接近農曆新年，師傅準備咗一系列日本新年嘅應節食品作前菜，包括海老、甘粟、黑豆、昆布漬物等等，各有含意，師傅都一一解釋，真係估唔到食餐飯都可以長咁多知識😆😆

跟住先上一碗清湯，配料有車海老、雞同紅白蘿蔔，湯頭好鮮甜，配上柚子，非常清爽，係一個好開始。

暖完胃後開始刺身環節，首先係啱啱師傅展示嘅赤矢柄（好爽口）、縞鰺（真係師傅介紹先會認識嘅魚，好彈牙，食omakase就係要食呢啲💯💯）、白蝦刺身（好鮮甜，慢慢食，唔捨得食完🥹）、香箱蟹（啖啖肉，蟹腳下面全部都係蟹膏，非常滿足🤤）、白見貝同赤貝（我本身對貝類一般般，但呢個征服到我了✅✅）。





最後要特別開新一段介紹，係令我印象非常非常深刻嘅三文魚籽。本身諗住三文魚籽都冇咩特別，但佢呢個震驚了我，非常飽滿，同平時食嗰啲完全係兩回事。師傅仲好調皮咁表演咁彈魚籽畀我哋睇🤣粒魚籽真係好有活力彈得好高好遠（不過我想同師傅講不如嗰幾粒畀埋我食啦🤣）

上刺身期間師傅都準備咗油揚白蝦畀我哋做小食，炸得非常香口，酥脆而不油膩，我忍唔住好快就食曬😛

跟住到熱食，先係鍋物鱈魚白子，我之前食過白子刺身，有少少陰影，但呢個為白子平反咗，原來好食嘅白子係咁creamy🤩

第二道熱食係炸白蝦，口感好Q彈。

跟住到壽司十貫，其實呢個時候我哋已經食到飽飽哋，師傅都特登為我哋準備細嚿啲嘅壽司飯。壽司分別有：金目鯛、冰見寒鰤魚、關鯖、福岡槍魷魚、北海道沙甸魚、中拖、大拖、吞拿魚赤身同海膽，頭三款係師傅個人最愛嘅刺身，而我最愛就係大拖同海膽，濃濃嘅香味充斥住成個口腔，非常幸福🥰

食完刺身後師傅準備咗一碗熱嘅麵豉湯，暖返個胃，最後再上咗羊羹同福岡甜王🍓，為呢一餐畫上完美句號。

呢餐飯嘅感覺非常好，步伐好悠閑（我之前食過啲omakase真係好趕，啱啱食完一道菜即上下一道），師傅好健談亦都好有經驗，食完我已經好期待下一次再嚟食🥰🥰
張貼
