菁囍 (已結業)

見到網友講起呢間新開既台飲店，本身都想試下有乜特別。甘岩今日因為約左幾年無見既朋友食飯，所以路經此地，本住一試無妨心態就睇下有無特別。眼見餐牌全部以茶為主，聽店主講，佢地所有茶都係台灣自家制，店亦是自家經營，所以茶有保證。見店主推介Gelato配紅茶，甘就試下。我叫左微糖，因雪糕令到杯茶太甜，但店主力推呢隻係意大利Gelato ，唔會太甜，其實我都有啲擔心。眼見水吧即整茶底，唔駛三分鐘就叫到我。本身一見杯茶就好似無特別，飲落去好似有啲麥味。但點知一吸到雪糕，味道立即改變，好香雲呢拿味，令我一飲飲，好似有魔力甘。飲甘上下，成杯都好似奶茶甘，但又唔太甜。不消幾分鐘，成杯茶就見底了，如果唔係要食飯，我諗我會叫多杯享受多一次。