阿久根和牛拉麵屋

營業中

休息中

喺旺角呢條後街原來有間人龍排隊拉麵店，平日未夠七點已經大排長龍，呢間拉麵店主打沾麵，有唔同嘅湯底同埋肉類選擇。招牌三色沾麵（豚肉，雞肉及A4和牛） $148招牌三色沾麵咩配料都有啲，一次過滿足晒幾個願望，豬腩卷個醬汁好香，雞肉係經過慢煮，而和牛入口軟腍，肉味香濃，呢款就揀咗濃厚味噌蝦湯，蝦味好重，粗身嘅麵條好掛湯，食耐咗覺得太鹹仲可以加湯調整味道，而糖心蛋煮得啱啱好，都幾入味。燒牛肩胛（拉麵） $102以燒牛肩胛作為配料嘅拉麵比較少見，牛肩胛燒至半熟，都食得出肉味，呢款揀咗黑蒜濃湯，啱啲比較重口味嘅人士，麵條方面就係幼身嘅曲麵，份量都幾多。沖繩苦瓜餃子 $48第一見苦瓜餃子，入面有啲苦瓜碎，感覺冇咁油膩，而且冇想像中咁苦。