Bove (已結業)

之前係淘大試過呢間bove，雞蛋仔口味夠哂多元化，所以之後經過旺角分店都有再試。第一次試左香濃羅宋湯雞蛋仔，原本都擔心緊將羅宋湯溝入雞蛋仔會唔會好怪，但結果出乎意料地好味，真係幾有羅宋湯味，而且鹹鹹地，比平時既雞蛋仔會無咁甜。之後第二次就試左斑蘭雞蛋仔，不過今次就跌哂watt，首先質地唔夠脆，好快就淋哂，唔知係咪人多趕住比我，吹風未夠耐，其次係斑蘭原來只有顏色，食落似原味，完全唔覺有斑蘭味，旺角分店水準都幾飄忽。