Bove (已結業)

第一次食阿華田格仔餅好好食嫁但係琴日去買 好失望 個格仔餅皮整到難唒 入面啲脆脆有痴到一舊舊 一係就冇脆 一係就一大舊痴唒啲牙 食左幾啖就掉左 希望下次吾會再係咁 期待去食既野點知咁樣 真係會影響心情

Bove 📍旺角旺角花園街174A號地舖Kay Gor 細細個就好中意食雞蛋仔同夾餅行開太子見到依間甘多口味當然又要試試啦宇治抹茶麻糬雞蛋仔⭐️⭐咬落口雞蛋仔感好軟熟，反而唔似平時得脆口無口感，每底新鮮做起可惜既係雞蛋仔嘅抹茶味唔算太出色太濃烈驚喜既係每一粒雞蛋仔都有麻糬，麻糬口感不錯好軟價錢可以平多少少就好整體來講都推介，雞蛋仔記得要趁熱食#kayGorfoodie #foodie #hkblogger#food #foodporn #yum #instafood #yummy #amazing #instagood #photooftheday #sweet #dinner #lunch #breakfast #fresh #tasty #foodie #delish #delicious #eating #foodpic #foodpics #eat #hungry #foodgasm #hot #foods #MakeYouSmileStyle #HypeLife#hkfood #hkfoodie #foodie #hongkongfoodie #instafood #hkig

你食過淋嘅雞蛋仔未？ 呢次經驗真係令人難忘，唔可以唔同大家分享我個人意見。見佢餐牌寫隻特選，幅畫個個樣正正常常，咁咪試下囉，點咗份芝士雞蛋仔，點知中大伏。成$30蚊 淋過條毛巾，連基本雞蛋仔嘅樣都無，咁都可以賣比人，真係好厚面皮，個店員拎上手都知衰咗啦。可唔可以比反少少水準，憑咩話自己特選。勁難食，永遠唔會再幫襯。剩見個樣都失望，咬一啖會一秒火起！ 無謂浪費金錢，仲要浪費時間等佢製作🤮

之前係淘大試過呢間bove，雞蛋仔口味夠哂多元化，所以之後經過旺角分店都有再試。第一次試左香濃羅宋湯雞蛋仔，原本都擔心緊將羅宋湯溝入雞蛋仔會唔會好怪，但結果出乎意料地好味，真係幾有羅宋湯味，而且鹹鹹地，比平時既雞蛋仔會無咁甜。之後第二次就試左斑蘭雞蛋仔，不過今次就跌哂watt，首先質地唔夠脆，好快就淋哂，唔知係咪人多趕住比我，吹風未夠耐，其次係斑蘭原來只有顏色，食落似原味，完全唔覺有斑蘭味，旺角分店水準都幾飄忽。

之前就有食開佢地既雞蛋仔，迷上左 -宇治抹茶麻糬雞蛋仔，香香既綠茶味，又唔係好甜。 佢地既抹茶係淡淡地，有清香嗰種！ 絕對唔係苦澀回甘嗰種！ 而且order後都係即叫即整！我覺得好重要， 美食都要配合 “新鮮”先有辦法好食！ 今次我就試左佢個 -宇治抹茶梳乎厘pancake ！當然都係同一種材料既香味，但pancake 就真係重番陣蛋味，所以係好香抹茶同蛋味！ 2者味道好平均，而且都係唔會太甜。 身為抹茶狂，我覺得2個產品冇令我失望！ 太好了

之前同friend行街，佢話俾我知bove嘅雞蛋仔同格仔餅，要排超過20分鐘，上次已經試過，不過冇好深刻嘅印象。今次再經過，見冇乜人排隊，就即刻再買來試吓，本來諗住叫最保險嘅朱古力雞蛋仔，不過我個friend話想試吓芝士味雞蛋仔，問咗店員話等4分鐘左右，所以就買咗。雖然等左唔止4分鐘，但都唔係好耐就已經有得食。睇外表就好似好香脆咁，但食落去就覺得好硬，尤其是食到最後尾，開始有啲凍嘅時候，就真係好硬。總括來講，就係冇想像中咁好食。

今日係喺旺角掃街之旅，一定要試晒出名嘅小食。好耐以前已經聽過呢一間雞蛋仔鋪頭了，一直都好想試吓佢嘅抹茶麻糬雞蛋仔，因為身為抹茶同埋麻糬喜好者嘅我，冇理由唔試吓嘅！鋪頭都幾多人排隊，係買咗之後都等左成十零分鐘到先有得食。宇治抹茶麻糬雞蛋仔，盛惠$30。呢個價錢真係唔平，不過我覺得都值得一試，因為真係試過先知好唔好食。首先第一個感覺就係覺個雞蛋仔好軟，唔似平時食開既香脆可口，係呢方面都有少少失望嘅，但可能係因為新鮮整起，應該擺一陣先食效果會好啲嘅。另外，雞蛋仔嘅抹茶味唔算好濃烈，但係差唔多每一粒雞蛋仔都會充滿麻糬，達到左我想食麻糬嘅目的。不過我諗我淨係會食一次，係價錢試同味道上我都覺得整體來講係一般嘅。

Ordered an ovaltine egg waffle.They are made fresh to order so had to wait a while. Obviously nice and fresh. However think that the chocolate ovaltine was a bit too rich. It was very messy to eat and got chocolate pretty much everywhere. Think the bubble egg waffles would have been a better option

網上見到推介 見地點方便就黎食綠茶麻糬雞蛋仔等左10分鐘左右就有得食！好大底呀外脆內軟 綠茶味濃 一粒粒麻糬超好咬口 又足料 無麻糬既位都好重綠茶味 兩個人食一底都飽 好食到想瘋狂encore

下午茶時段，專誠去試依間既雞蛋仔。首先吸引我既係佢餐牌，有唔同口味既雞蛋仔，有14隻口味揀。另外仲有5隻口味既格仔餅，同soufflé pancake。更加有賣特色飲品。今次我試左紫菜肉鬆雞蛋仔 $25同朱古力soufflé pancake $30.講下個雞蛋仔先，即叫即整，每粒都有少少肉鬆，塊紫菜就痴係出面。食落質感比較淋，無脆卜卜既邊位，依樣比較失望。食哂成舊係飽肚既，但有啲口乾。再講下個soufflé pancake, 一份有兩件，即叫即整，要等20分鐘先有。上面印有公司logo。一拎到就聞到少少朱古力味，但食落係唔覺有朱古力味，而且甜味都唔夠。舊pancake好快漏氣，扁哂外型就唔討好。最後，對依間雞蛋仔期望過高，或者其他味道會好啲。

Bove is one of my favourite souffle pancake place. I would usually go to the one in Kwai Fong (where they first started). I was thrilled to know they have opened on in Mong Kok! (so much more assessable) and therefore I order for one today.I understand the making of the pancake does take quite a long time and the pancake does worth the wait. So they told me I had to wait for 20 minutesand therefore I walked away and had a stroll on the street and came back after 20 minutes. Butttt the pancake is

上次經過食左爆醬花生醬梳乎厘pancake ,好食。今日專誠帶媽媽去食，買飛嗰陣店員講明等20分鐘，我們便在一邊等，大概等了25分鐘，我問店員食物準備好了嗎，他們回覆還未完成。一直等了35分鐘，企足35分鐘，終於食得，今次明顯太多order,賣相及味道都差左希望呢間小店會有所改善，及盡力保持水準！

黎到旺角食雞蛋仔，依度有最新既綠茶Mochi雞蛋仔，之前係澳門已經好火紅，今次終於係香港食到！雞蛋仔即叫即整所以等咗大概10分鐘左右！雞蛋仔外邊未夠脆，但幾綿，中間仲加入左麻薯係中間，口感上都幾特別，食起上黎還可以，抹茶味淡淡咁另外仲試左梳乎厘班戟，伯爵茶口味，食落富茶香，口感軟綿綿😋中間有餡，揀左棉花糖，半溶口感幾好飲品上，揀左白桃烏龍！味道清甜，富白桃香！飲落幾清爽幾舒服，都不錯喔～食完雞蛋仔剛好

今時今日的雞蛋仔味道已經千變萬化，由小時候的士多啤梨和朱古力味已經演化到今天的 紫薯，蘿蔔糕，XO醬等味道。 餡料由朱古力粒都發展今天的蝦米，波羅包皮，榴蓮等等。這個抹茶麻薯也不例外 ，十分有創意。抹茶的味道剛剛好，帶點苦，而且不會甜，食落也不會膩口。麻薯的煙靭口感正好和軟綿綿的雞蛋仔相應配合， 打雞蛋仔打開的時候有少許拉絲的效果。可是雞蛋仔較為軟身，就算新鮮出爐的情況也很快變軟，返以一定要盡快享用，否則雞蛋仔很快會變軟呢。

我愛三寶: 綠茶 + 麻糬 + 雞蛋仔 ，一直都好想試，但一個人食唔唒。今日終於有人同我分一半🤣🤣其實好有期望，將唒我鍾意嘅嘢擺埋一齊，但我發現係冇想像中禁好😂😂一拎上手，就感受到佢應該冇吹乾底鷄蛋仔 (吹有一定程度先會脆！) 呢個係有啲失色！！！一吹，每啖都有好香綠茶味同每粒都有滿滿麻糬，都可以彌補返。 如果佢個鷄蛋仔吹返脆佢就 (不過好少可綠茶雞蛋仔禁重綠茶味，值得一讚😍)其實有好多款揀，但我下次會食梳乎里。(今次已經滿足左我對綠茶麻糬鷄蛋仔嘅好奇）