億饍 (已結業)

今日同男朋友嚟億饍dinner，7點幾嚟到未算係好多人，我哋坐咗係角落，個個位係好難叫到職員嚟嘅，所以都要行出去叫人嚟。睇餐牌覺得呢度有啲似fushion 菜，又有越南嘢，又有炒小菜食，不過嚟得呢度當然要試下佢嘅越南菜睇下正唔正宗啦！睇完餐牌決定叫生牛肉河、軟殼蟹米紙卷、越式春卷、串燒同炒粉絲。生牛肉河嚟先，牛肉浸一陣先食，夠晒嫩滑，加上生洋蔥，湯底夠濃味，河粉唔錯！幾大碗。軟殼蟹米紙卷係最好食，熱辣辣，軟殼蟹夠哂脆，而且軟殼蟹幾大隻，加埋菜一齊食，口感好豐富。米紙亦唔會話好硬好乾，所有嘢都啱啱好，好夾！越式春卷，一客有6件，幾抵食！連埋生菜上，同樣地春卷夠香口，同埋好夠熱，即叫即炸，唔好咁貪心一啖食晒呀，一定會辣親架！串燒就一般，肉質腍咗啲，同埋整體都偏甜，加上用鐵籤代替竹籤，食嘅時候要好小心，因為條鐵籤會好熱。最後係炒粉絲，粉絲炒得乾身，不過粉絲太幼身影響咗個口感，不過整體都唔錯嘅，味道亦啱啱好，都幾香！仲叫咗個椰青，椰青要成$50/個，唔係平，勝在夠甜夠凍，下次都係睇下餐牌先叫飲品。整體黎講，旺角區嘅越南菜唔係話好多，呢間新開嘅餐廳都值得一嚟，地點方便，同埋店員服務態度都好好，值