影片
更多
2018-06-13
591 瀏覽
之前講過黑布街附近都有好多好嘢食，今日就講吓染布房街呢間鳴門。嗚門本身有好多分店，有啲做居酒屋，有啲做湯麵亭。有時夜左放工都會見到呢間居酒屋有人排隊。不過今日就講下個午市。個人覺得午市係抵食好多。大家可以望下個餐牌，旺角食午餐其實四五十蚊都唔走得甩，如果以鳴門呢個質素都係五六十蚊，一個前菜（中華沙律）、一個主食、一個湯加一個小食，其實係幾抵玩。我地今日叫左三文魚拌帆粒貝飯、鯖魚定食、同埋韓燒美國牛仔骨飯。一叫完無耐就有得食，刺身上菜速度超快。梗係啦，唔使煮，睇刀功。講真，去過日本都知，喺香港食刺生都好難太高要求，呢個餐黎講，量唔算多，味道中等，不過不失。我反而幾鍾意呢度要花時間煮嘅食物。雖然成日覺得係香港食鯖魚都係買急凍解凍再燒，感覺好似間間差唔多，不過呢度嘅鯖魚燒得幾香，食落唔會太鹹，都ok。最好味就係呢個韓燒美國牛仔骨飯。牛仔骨燒得好香，明顯地有燒過既香味，另外再加左蛋黃沙律醬，鹹得黎又有啲甜味吊下，唔會漏。以前見到炸蠔都會叫，不過因為我覺得呢間舖嘅燒烤係幾好，所以今次大家都叫燒雞翼。燒雞翼燒到啱啱好，用左少少鹽吊味，簡簡單單都好香口。午市唔使加一，平均一個人都係五十幾至六十幾蚊，
嗚門本身有好多分店，有啲做居酒屋，有啲做湯麵亭。有時夜左放工都會見到呢間居酒屋有人排隊。不過今日就講下個午市。個人覺得午市係抵食好多。
大家可以望下個餐牌，旺角食午餐其實四五十蚊都唔走得甩，如果以鳴門呢個質素都係五六十蚊，一個前菜（中華沙律）、一個主食、一個湯加一個小食，其實係幾抵玩。我地今日叫左三文魚拌帆粒貝飯、鯖魚定食、同埋韓燒美國牛仔骨飯。
三文魚拌帆粒貝飯
$63
32 瀏覽
0 讚好
0 留言
一叫完無耐就有得食，刺身上菜速度超快。梗係啦，唔使煮，睇刀功。講真，去過日本都知，喺香港食刺生都好難太高要求，呢個餐黎講，量唔算多，味道中等，不過不失。
鯖魚定食
$55
30 瀏覽
0 讚好
0 留言
我反而幾鍾意呢度要花時間煮嘅食物。雖然成日覺得係香港食鯖魚都係買急凍解凍再燒，感覺好似間間差唔多，不過呢度嘅鯖魚燒得幾香，食落唔會太鹹，都ok。
韓燒美國牛仔骨飯
$63
35 瀏覽
0 讚好
0 留言
最好味就係呢個韓燒美國牛仔骨飯。牛仔骨燒得好香，明顯地有燒過既香味，另外再加左蛋黃沙律醬，鹹得黎又有啲甜味吊下，唔會漏。
燒雞翼
23 瀏覽
0 讚好
0 留言
以前見到炸蠔都會叫，不過因為我覺得呢間舖嘅燒烤係幾好，所以今次大家都叫燒雞翼。燒雞翼燒到啱啱好，用左少少鹽吊味，簡簡單單都好香口。
午市唔使加一，平均一個人都係五十幾至六十幾蚊，正呀喂～
張貼
