麻辣風雲 (已改名) 查看

有時候口痕真係好想食酸酸辣辣嘅嘢食，麻辣風雲我都食過好幾次，水準都唔錯，今次嚟到旺角嘅分店！今次我就叫咗好幾款嘢食，有啲仲係新菜式未試過嘅添～ 💛荔枝蝦球呢一碟菜式賣相非常之吸引，好似一個盆栽咁有好多荔枝。但查實佢係一個蝦球，以荔枝嘅賣相呈現。出場嘅表現非常之華麗，店舖用晒乾冰，一擺上枱個氣勢就好澎湃！而且外相非常別緻，真係好似一粒荔枝，但咬落去就係大牙十足嘅蝦球，口感非常唔錯！💛酸菜魚嚟到點少得食佢嘅招牌酸菜魚，呢度酸麻辣都有得各自調，我就揀咗中酸中麻中辣，令到成個口感非常之平衡。但整體嘅菜式唔會太油膩～ 裏面亦有好多配菜！💛黑松露溏心蛋我個人好中意食溏心蛋，而呢到更加加左黑松露係面，做到畫龍點睛嘅效果。糖心蛋嘅煙燻味同黑松露味相輔相成！💛炸饅頭唔知有冇人同我一樣好鍾意食炸饅頭，沾煉奶真係冇得輸，最重要係要炸得啱啱好，唔會太厚，薄薄地一層炸得香脆先係最高境界 呢到就岩曬我心意！