FooDo

營業中

休息中

手工意粉呢樣野越黎越大行其道，尖沙咀中環都開多左好多有手工意粉店，不過好多都好貴。至於旺角呢，都有間手工意粉店，不過就係行日式路線，但都好好食。佢地好主打意粉，就係專門整Fettuccine。佢地個意粉都好彈口下，但又唔會好似乾意粉咁硬身，好好食。至於個汁係忌廉汁，幾香滑，同埋重奶味。鹹豬肉就唔算太鹹。芝士普通，但撈埋啲意粉，就會變得好重口味。流心蛋，好有蛋香味，蛋黃好滑好香。薯仔沙律，入面有好唔同嘅蔬菜， 好清新。原來平日有飯食，烤雞飯配牛奶汁。其實個汁麻麻地，都係講返個烤雞。個烤雞其實平日都有嘅小食黎，個烤雞好多汁，烤得好脆，入面舊雞肉都好滑，至於個皮好重芝士味，好重口味的。環境好乾淨，唔算貴，又好食。