越男仔 (已搬遷) 新店位置

朋友想食越南菜，就比佢拉左黎呢間越南仔 一黎就叫左個炸春卷先，佢炸到好香脆，裏面仲包左好多料，側邊仲有好多蔬菜伴碟，可以消下d油膩感，不錯不錯 之後叫左個沙爹香矛豬排豬頸肉，本身唔太中意香矛味，但佢加左沙爹落去又好似好食左喎，d肉同油脂比例啱啱好，好正😋 重頭戲軟殼蟹黎喇，好大份，上面仲加左d米粉同香料，d蟹肉好鮮甜丫 ，佢炸完唔洗折蟹殼食好方便～最後點左杯咸檸蜜，因為平時好少見有得叫，就叫左黎飲下☺,好完滿咁結束左呢餐飯 想試越南菜又近旺角既推介大家黎試下