全日雞實驗所 (通菜街)

營業中

休息中

早排見到某酒店推出海南雞飯蛋糕，挑起左想食海南雞飯條癮。上網搵搵下見到有條片介紹呢間舖，講到老闆當佢科研咁做，於是就黎左試下。睇左陣餐牌決定揀雞脾餐，無他既貪佢夠滑，另一餐揀左肉餅試下。兩個餐都無揀普通飯，轉左香飯同拌麵。個餐都幾多野食，除左主菜同飯，有湯，小食同野飲。個餐連盤上，但d 野又唔算逼，自己調下位都方便。先講雞，d 肉夠滑有雞味又林，無血水無腥味，三款醬汁分別係醬油，辣醬同薑蓉。我覺得辣醬最好食，比泰式辣醬辣小小但無咁甜。個肉餅真心好食，有d 覺得係比海南雞擔誤既肉餅店。加左瑤柱口感豐富左好多又彈牙，本身調味已經好夠，唔使額外加豉油，強烈推薦。香飯無出邊d 油飯咁多油但保持到個香味，食唔到硬飯，應該係即日煮無隔夜。拌麵夠味有蔥香不過小心食個時d 汁滴到自己，可以一試。小食同湯正常，個湯飲得出無加味精。整體而言呢個份量，質素同款式對得住價錢，有時想食海南雞飯又唔想外賣呢間真係一個好選擇。