影片
更多
2023-08-28
1222 瀏覽
呢晚嚟咗呢間旺角嘅懷舊西餐廳鋸扒 餐廳門面用咗高貴嘅紫色 非常容易察覺到😁 同友人一人叫咗一份主食套餐 再加多個小食😝 主食連加配套餐都有兩個選擇 如果想食得豐富啲嘅可以加$25要個有齊晒餐包 餐湯 飲品同甜品嘅套餐🫢餐湯及餐包餐湯有羅宋湯或豬骨湯兩個選擇 我同友人各揀咗一款😗 豬骨湯係中式嘅老火湯 不過我就個人覺得食西餐都係配羅宋湯夾啲🙈 羅宋湯入口有少少辣 仲有蘿蔔 芹菜等等嘅配料吃扒雜扒配薯菜呢個扒餐真係好豐富 有魚柳 煎蛋 豬扒 牛扒 雞扒 煙肉 司華力腸😋 側邊仲有西蘭花同埋薯菜🍟 見到隔離枱加配咗呢個熱熔芝士 搞到我都嗌咗份🧀店員會親自將溶咗嘅芝士淋喺面 真係好澎湃 啲芝士係湧出嚟㗎 上面嘅扒類肉質嘅結實 特別鍾意佢嘅雞扒🐥 最特別嘅係即使加配咗熱熔芝士 餐廳依然可以俾我哋選擇一款醬汁 我就揀咗同牛扒比較夾嘅黑椒汁🐮 牛油果軟殼蟹飛魚子意大利粉呢個意粉嘅份量好多 口感幾彈牙 用上咗忌廉汁再加一啲菇菌類🍄 面頭就有一隻酥脆嘅軟殼蟹🦀 仲有半個牛油果🥑 呢個組合都幾好食 不過我最鍾意嘅都係大量嘅飛魚子 口感卜卜脆咁 除咗面頭之外底下嘅意粉都有mix埋飛魚子水牛城雞翼呢碟有八隻好
呢晚嚟咗呢間旺角嘅懷舊西餐廳鋸扒 餐廳門面用咗高貴嘅紫色 非常容易察覺到😁 同友人一人叫咗一份主食套餐 再加多個小食😝 主食連加配套餐都有兩個選擇 如果想食得豐富啲嘅可以加$25要個有齊晒餐包 餐湯 飲品同甜品嘅套餐🫢
餐湯及餐包
餐湯有羅宋湯或豬骨湯兩個選擇 我同友人各揀咗一款😗 豬骨湯係中式嘅老火湯 不過我就個人覺得食西餐都係配羅宋湯夾啲🙈 羅宋湯入口有少少辣 仲有蘿蔔 芹菜等等嘅配料
吃扒雜扒配薯菜
呢個扒餐真係好豐富 有魚柳 煎蛋 豬扒 牛扒 雞扒 煙肉 司華力腸😋 側邊仲有西蘭花同埋薯菜🍟 見到隔離枱加配咗呢個熱熔芝士 搞到我都嗌咗份🧀店員會親自將溶咗嘅芝士淋喺面 真係好澎湃 啲芝士係湧出嚟㗎 上面嘅扒類肉質嘅結實 特別鍾意佢嘅雞扒🐥 最特別嘅係即使加配咗熱熔芝士 餐廳依然可以俾我哋選擇一款醬汁 我就揀咗同牛扒比較夾嘅黑椒汁🐮
牛油果軟殼蟹飛魚子意大利粉
呢個意粉嘅份量好多 口感幾彈牙 用上咗忌廉汁再加一啲菇菌類🍄 面頭就有一隻酥脆嘅軟殼蟹🦀 仲有半個牛油果🥑 呢個組合都幾好食 不過我最鍾意嘅都係大量嘅飛魚子 口感卜卜脆咁 除咗面頭之外底下嘅意粉都有mix埋飛魚子
水牛城雞翼
呢碟有八隻好大隻嘅雞翼 加上旁邊仲有啲沙律🥗 食肉獸都唔使驚食得太多肉呀 雞翼外脆內軟 入面仲有好多肉汁 幾鍾意佢水牛城雞翼嘅醬汁 因為份量啱啱好 唔會多到好似浸濕咗隻雞翼咁👍🏻 有少少做調味 又可以keep住隻雞翼夠晒脆
甜品
跟餐嘅甜品係香港製造嘅朱古力雪糕🍦 店員都幾貼心會根據你食完主菜嘅時間再上甜品
飲品
餐飲嗌咗凍檸檬茶 同埋凍朱古力 呢個嘅上菜速度都幾快 啱晒大熱天時一入到餐廳就可以飲🥤好可惜嗌得太心急啦 因為原來仲可以加$17轉特飲㗎🥺 唯有下次再嚟過啦
呢間餐廳幾有港式懷舊西餐廳嘅感覺 特別係佢嘅鐵板餐 真係非常大件夾抵食👍🏻
張貼
