辛手村 (已結業)

係旺角見到呢間餐廳嘅裝修咁文青feel，以為係cafe，望真啲原來係食川菜，又幾特別喎。原來每晚九點半仲會轉燈光，成個bar咁，唔怪得Menu有咁多酒飲🤣。串燒雞肉軟骨棒l魷魚l翠肉瓜串燒本身有調味，上碟時，碟左邊有辣椒粉，右邊有孜然粉，想重口味啲可以點埋。雞肉軟骨棒因為有骨有肉，唔會好似齋雞軟骨咁硬，可以輕鬆咁樣咬開。翠玉瓜即使燒完都仲係好juicy。麻辣黑松露味干鍋見到有麻辣黑松露味咁得意，梗係嗌黎試吓啦，舖頭仲有另外一款自創壽喜燒干鍋，幾有心思。好難得搵到一款唔係太辣嘅干鍋，黑松露味雖然好重，但唔會搶晒麻辣嘅風頭。入面嘅蓮藕炸得好脆，食到唔停口。豬頸肉好juicy，連埋其他配料送飯一流。甜品柚子冰粉l菠蘿冰粉冰粉好滑捋捋，柚子同菠蘿味都好濃郁，凍凍地解辣一流。飲品芭樂烏龍l柚子烏龍芭樂烏龍好有台灣feel，溝埋烏龍好清新。