影片
更多
2023-08-30
85 瀏覽
之前去過旺角同觀塘嘅urban cafe見最近新開左呢間貓cafe x bar，朋友去過話啲貓貓好可愛，忙裏偷閑去玩吓貓🐈⬛竟然係免入場費，非繁忙時段仲唔限時有lunch menu，包是日餐湯同飲品，最平$78起，選擇算多另外有A la carte menu，勁多飲品款式，除咗咖啡、茶，仲可以飲酒同mocktail🤭▶️ 餐湯今日係甘荀薯仔湯🥕用真材實料攪拌出嚟，味道甜甜地、天然健康紅蘿蔔味比較出，薯仔令質感沙沙地，同時加咗少少忌廉令湯creamy啲咬到一粒粒洋蔥🧅面頭灑上少許香草簡單但用心嘅一個餐湯 ▶️ 煙三文魚牛油果酸種麵包 Smoked salmon avocado sourdough toast ($88)兩塊酸種麵包，搽上一層厚厚嘅牛油果蓉，放上沙律菜同幾片煙三文魚看上平平無奇，但味道有驚喜😍酸種麵包烘到外層少脆，入面煙靭🍞唔會太硬 (建議直接用手咬嚟食)上面應該搽咗一層牛油，隱約食到牛油香味🧈最值得讚係牛油果蓉🥑選用嘅牛油果超熟，帶有牛油果獨特香味質感好creamy，簡單用黑椒調味已經足夠唔係牛油果控，但覺得佢整得出色！煙三文魚食落鹹鹹地，更有Omega- 3魚油香味🐟成個
見最近新開左呢間貓cafe x bar，朋友去過話啲貓貓好可愛，忙裏偷閑去玩吓貓🐈⬛
竟然係免入場費，非繁忙時段仲唔限時
有lunch menu，包是日餐湯同飲品，最平$78起，選擇算多
另外有A la carte menu，勁多飲品款式，除咗咖啡、茶，仲可以飲酒同mocktail🤭
▶️ 餐湯
今日係甘荀薯仔湯🥕
用真材實料攪拌出嚟，味道甜甜地、天然健康
紅蘿蔔味比較出，薯仔令質感沙沙地，同時加咗少少忌廉令湯creamy啲
咬到一粒粒洋蔥🧅面頭灑上少許香草
簡單但用心嘅一個餐湯
甘荀薯仔湯
1 瀏覽
0 讚好
0 留言
▶️ 煙三文魚牛油果酸種麵包 Smoked salmon avocado sourdough toast ($88)
兩塊酸種麵包，搽上一層厚厚嘅牛油果蓉，放上沙律菜同幾片煙三文魚
看上平平無奇，但味道有驚喜😍
酸種麵包烘到外層少脆，入面煙靭🍞唔會太硬 (建議直接用手咬嚟食)
上面應該搽咗一層牛油，隱約食到牛油香味🧈
最值得讚係牛油果蓉🥑選用嘅牛油果超熟，帶有牛油果獨特香味
質感好creamy，簡單用黑椒調味已經足夠
唔係牛油果控，但覺得佢整得出色！
煙三文魚食落鹹鹹地，更有Omega- 3魚油香味🐟
成個組合好夾，無需特別調味已經好好食，令人回味🤤
煙三文魚牛油果酸種麵包
$88
1 瀏覽
0 讚好
0 留言
▶️ 香煎西冷牛扒｜黑椒燒汁 Grilled beef sirloin steak with black pepper sauce ($158)
本身揀咗五成熟，但係嚟到嘅時候唔止 (可能過火咗少少🤏🏻)
因此肉質相對冇咁腍🥩好彩仲juicy同唔韌，而且冇乜肥膏／筋位
香煎西冷牛扒｜黑椒燒汁
$158
7 瀏覽
0 讚好
0 留言
黑椒燒汁濃味得來唔太鹹，唔會蓋過牛肉味道
特別在唔係跟薯條，而係一粒粒嘅薯仔粒、黃椒、蘑菇、青瓜、車厘茄
薯仔粒爽口🥔似中式薯仔牛柳粒啲薯仔，好味😋
▶️ 招牌朱古力 (C: +$15)
店主推介飲品之一✨
可見入邊唧咗朱古力醬，再倒入朱古力奶
有驚喜🤩朱古力味特濃🍫朱古力控切勿錯過！
建議大家盡快飲，唔好等冰溶，如果唔係就品嚐唔到最佳味道㗎喇！
招牌朱古力
1 瀏覽
0 讚好
0 留言
▶️ 碧翠園 大極 (C: +$20)
店主介紹話呢隻係使用京都府產嘅一番茶，100%以石臼研磨製作🍵
賣相靚，分成上下兩層：上面係抹茶，下面係牛奶，牛奶中見到粒粒抹茶粉，溝勻嗰下好治癒😌
鍾意佢味道香甜，不過唔知係咪飲慣甘苦啲嘅抹茶 (平日飲開小山園抹茶)? 覺得抹茶味唔夠濃郁，奶味更出，感覺似飲緊正常凍鮮奶🥛
或者可能叫熱飲會好啲
碧翠園 大極
0 瀏覽
0 讚好
0 留言
-
本身對貓Cafe食物冇咩期望，估唔到咁有水準💯
賣相精緻，材料配搭有花心思，調味啱啱好
位置方便，超近地鐵站同朗豪坊，樓上舖旺中帶靜，夜晚仲可以望到旺角街景✨ (有啲貓貓都鍾意望窗)
內部環境舒適，地方唔迫，冷氣溫度充足，用木桶做主題🛢️有格調得來，設計係貓貓友善 (個人覺得舒服過urban)
平日晏晝時段嚟唔會太多人
服務好好，老闆好勤力同友善☺️見佢又入廚房沖飲品，又負責落單上菜，仲會向客人介紹食物，即使忙碌都唔會唔理貓貓🐱可見佢係真心愛錫佢哋
每隻貓貓都有個頸牌，一面寫上品種，另一面係佢哋個名
因此呢度啲貓貓乾淨唔臭，仲好熱誠、親人🥰好幸福嘅貓貓
大家可以抱起佢哋，佢哋好少會刮人(不過都要小心啲，唔好跌親佢哋)
衛生情況好，入去前要著鞋套
見佢哋有定時消毒枱面，不過預咗有啲貓毛飛來飛去😂冇食到就得啦
性價比高，計埋加一大概$150/人，當Cafe咁坐又可以玩貓貓紓壓，絕對值得💕
同朋友、屋企人嚟已經係一個好好嘅室內節目 (隔籬枱有個媽媽帶住兩個仔嚟，兩個小朋友玩得超開心，唔使自己養🙈)
大家記得要遵守Cafe規矩，善待貓貓呀🐾
張貼
