甜水 (已結業)

🥣甜水🥣📍甜水 @timseoi旺角廣華街新開左一間糖水鋪 佢地主打中式糖水 有燉奶、桃膠、經典紅豆綠豆沙等 價錢唔貴 依家凍凍地既天氣食反一碗糖水真系好滋潤😍芋圓椰汁雪燕芋圓好咬口彈牙 好大粒煙韌 雪燕既份量超級多 絕對真材實料 啖啖都可以食到一絲絲雪燕 😍椰汁十分香濃 唔會太甜 滋補養顏🥰食晒成碗都唔會膩！始創金銀燉鮮奶我叫左碗凍既 店主話係餐廳自創產品 誠意推介！店員話橙色嗰粒點係係流心雞蛋 再加上燉鮮奶 口感好滑嫩 個味道似雙皮奶🤣 蛋香味香濃 香甜可口 除咗呢款之外 亦都有蓮子、薑汁、合桃、冰花燉奶等選擇👍🏻好滿足🥰