如月居酒屋

營業中

休息中

今日收工到旺角食晚餐，突然好想食日本野，朋友又話想食居酒屋，於是上網看一看就決定來如月居酒屋。呢到裝修都幾有味道，而且店員都好有禮貌，而且呢度嘅水竟然有放咗青檸落去，好細心！結果食左一餐開心嘅晚餐。今晚嘅野食都幾好食，特別係以下幾款：吉列多春魚炸得好酥脆，而且唔會話太多骨。小女子呢個名好特別，所以我都即刻又點，原來就係醃製，而且有少少甜味嘅walnuts，幾特別。日本蒜頭漬就夠濃味，而且粒粒蒜蓉都好大粒，真係好似外面食Omakase d配料咁樣。牛油炒枝豆份量好多，一路算，一路食到牛油味喺外層嗰度。幾種小食配酒一齊食真係好夾。流心雞蛋薯仔沙律好得意，同細個食嘅薯仔沙律差不多，不過係升級版。火焰海鮮丼，入面有三文魚、鯛魚、赤蝦、帆立貝同赤身，相當豐富，啲飯同醋嘅ratio調得剛剛好，一個人一碗剛剛好夠飽。