申子居酒屋

營業中

休息中

繼續同朋友嘅年尾聚會😉揀咗我地同樣旺角區最愛嘅申子居酒屋🏮極尚鹽燒牛舌芯好耐無食過咁厚肉嘅牛舌芯啦！佢厚得來口感爽脆又軟腍🤤一咬開仲勁粉嫩❣️海膽炒飯鮮甜又creamy嘅海膽配上口感豐富嘅蟹籽、三文魚籽❤️炒飯炒得乾身粒粒分明🥰𥚃面仲有好多小帶子！火炙大蝦讚岐手打烏冬彈牙嘅大蝦已經開邊，超容易剝開🤓湯底極濃厚滿滿蝦嘅鮮味，而且仲有大量嘅櫻花蝦😌讚岐烏冬偏幼身，每一條烏冬都沾滿晒濃稠嘅蝦湯😍舞茸豚肉卷厚厚一塊豚肉包住好香菇味又帶點甜味嘅舞茸😜食落口好Juicy，完全唔覺得膩❤️柚子大蔥黑豚燒京蔥燒到好甜✨豚肉部份用咗五花肉，落咗柚子醬汁黎燒，顯得無咁油膩👍燒芝士年糕表面焦香微脆，內軟糯軟糯嘅年糕😚中間嘅流心芝士味道相當濃郁😇芝士控必叫！