THE PONT (已結業)

朗豪坊有靚靚cafe🤗位於2樓非常方便，餐廳面積大裝修新坐得好舒服，餐廳用電話落單，仲有得寫備註，真係好方便！午市有套餐，揀個主菜配沙律或者湯，然後有飲品。燒澳洲肉眼扒配香草汁份量都好大啖啖肉，而且入面就係粉紅色，都幾香牛味。電話落單時已經可以揀定熟度，我揀medium rare咁就岩岩嫩滑。肉眼扒配薯條🍟薯條份量超多，一定夠曬飽。明太子大蝦意大利粉醬汁加左明太子所以咸咸香香，好多汁好好食！大蝦有4/5隻咬落去爽口，唔使自己剝殼好方便，麵軟係比較幼果種口感不錯硬度適中有咬口。芒果熱情果牛角窩芙 配雪糕外層脆卜卜熱辣辣☺️上面啲忌廉係精粹❤️忌廉上面有百香果醬👏🏻雪糕有唔同口味，竟然有榴連😁好正呀變咗榴槤雪糕窩夫🧇百利甜酒鮮奶咖啡非常之推介✨唔係好多地方有，飲落去有少少酒香，但係又唔會太甜，同時帶咖啡香。