茶茶Go

營業中

休息中

同FD旺角行街，都好掛住之前食過嘅紫菜肉鬆小方，咁再encore哩間臺灣茶飲啦。今次揀咗2盒紫菜肉鬆小方同逮丸芋頭二號。逮丸芋頭二號係今期人氣嘢飲，配料好豐富，有芋頭同芋圓。芋頭搗碎成芋泥，搭配埋牛奶一齊飲，好重芋頭味。牛奶裡仲有細細芋頭粒，飲落可以食到粉粉嘅芋頭，口感好豐富。芋圓都有唔少，食落好Q彈。叫做正常甜，但飲落似出面少甜，勁OK，飲完都唔會覺得肥啦。紫菜肉鬆小方，一份有4件，肉鬆同紫菜一如既往比得好大方，鋪滿晒蛋糕上面。每一啖蛋糕都full晒配料，夾埋蛋黃醬一齊食，勁好味。蛋糕食得出係當天製作，食落好幼滑，唔會覺得好幹身，唔錯！食完2件肉鬆小方已經好飽，做為飯後點心好滿足。睇到今次唔少新品都唔錯，唯有下次再幫襯啦！