囍囍 川菜烤魚燒烤

營業中

休息中

呢排天氣好熱，但係反而好想食啲麻麻辣辣嘅嘢嚟刺激很味蕾！朋友介紹呢一間位於旺角嘅川菜館，我哋今日一於嚟試吓！因為我哋都有好多人嚟食，所以就叫咗好幾樣餸，一次過品嚐晒咁多種味道！生炒牛肉飯呢度啲嘢大件夾抵食，呢個生炒牛肉飯份量好足，飯粒炒到好乾身，牛肉粒都好香，成個炒飯好有鑊氣！酸豆炒角雞雜第一次食雞雜，本身好怕有腥味，食落發現係我諗多咗！雞雜好鮮嫩，同啲酸酸地嘅豆角配埋一齊，出奇地夾！水煮香辣鱸魚呢個係呢餐飯壓軸菜！水煮鱸魚要整得好一啲都唔簡單，首先鱸魚要夠新鮮，而湯底亦都唔可以太油，辣椒嘅份量亦都要啱啱好，唔可以過辣或者係過淡！呢間嘅水煮魚做得幾出色，魚肉係鮮嫩嘅，上面嘅配配料份量得宜，令到個魚肉更加鮮味！乾鍋田雞以前覺得田雞好恐怖，但係今日食完之後真係改觀！田雞肉好嫩滑，而且啖啖肉！廚師火候控制得剛剛好，有鑊氣得來又唔會好乾或者好柴！麻辣韭菜餃子麻辣韭菜餃子都好好食，其實好欣賞佢哋嘅麻辣味，調配得剛剛好，又唔會話辣到頂唔順，但係又好麻！咁樣先過癮！總括嚟講呢間餐廳嘅味道同菜式都係我食過比較正宗嘅川菜！麻辣控一定要去試吓啦！順帶一提，呢間餐廳嘅營業時間會去到凌晨五點，如果大家喺附近收