影片
更多
2024-06-23
13257 瀏覽
呢日下晝好得閒 就搵咗呢間無限時火鍋放題食吓🥰 唔受時間嘅束縛就可以食得更加自在啦 呢日叫咗個最高級嘅套餐嚟歎吓✌🏻鍋底我地揀咗個鴛鴦鍋 分別嗌咗爆漿熔岩芫荽豆腐鍋同埋麻辣鴨血凍豆腐鍋 麻辣鍋有大 中 小辣三款選 嗌小辣都已經好惹味🌶️ 芫荽鍋幾清涼 烹煮蔬菜幾夾肉類呢個餐包括咗多款雪花紋理豐富嘅肉類 當中我最鍾意係極上prime grade霜降牛小排 因為食落口好嫩滑🐮 極級SRF極黑和牛肩脊肉 同埋極級prime grade安格斯牛頸脊嘅牛肉味都幾濃郁👍🏻 無諗過豬肉嘅質素都幾好 西班牙伊比利亞黑毛豬 食落口幾有口感🐷海鮮是日精選海鮮 一份有齊蟶子同埋海蜆 都幾新鮮 冇沙🐚 火鍋必備有大大隻嘅生猛海蝦 脆鯇魚片同埋脆骨腩🐟 呢度仲有白鱔片火鍋配料每份火鍋配料都standardised咗一份三粒😂 呢次我地都試咗好多款😗 手工三寶丸 一份有齊墨魚丸 豬肉丸同埋牛肉丸 每粒都細細粒🍡 我地仲有嗌手工墨魚滑 Q彈正方形魚腐 台灣鴨血 蟹粉丸 芝士腸 香菇皇廷貢丸 芝心包同埋魚皮餃🥟 當中較深印象嘅係金沙魚蛋同埋醬爆濃芝牛丸 因為入面嘅餡係流心 真係要睇熱🤓 另外蔬菜更有特別嘅番薯苗🥬小食一
呢日下晝好得閒 就搵咗呢間無限時火鍋放題食吓🥰 唔受時間嘅束縛就可以食得更加自在啦 呢日叫咗個最高級嘅套餐嚟歎吓✌🏻
鍋底
我地揀咗個鴛鴦鍋 分別嗌咗爆漿熔岩芫荽豆腐鍋同埋麻辣鴨血凍豆腐鍋 麻辣鍋有大 中 小辣三款選 嗌小辣都已經好惹味🌶️ 芫荽鍋幾清涼 烹煮蔬菜幾夾
肉類
呢個餐包括咗多款雪花紋理豐富嘅肉類 當中我最鍾意係極上prime grade霜降牛小排 因為食落口好嫩滑🐮 極級SRF極黑和牛肩脊肉 同埋極級prime grade安格斯牛頸脊嘅牛肉味都幾濃郁👍🏻 無諗過豬肉嘅質素都幾好 西班牙伊比利亞黑毛豬 食落口幾有口感🐷
海鮮
是日精選海鮮 一份有齊蟶子同埋海蜆 都幾新鮮 冇沙🐚 火鍋必備有大大隻嘅生猛海蝦 脆鯇魚片同埋脆骨腩🐟 呢度仲有白鱔片
火鍋配料
每份火鍋配料都standardised咗一份三粒😂 呢次我地都試咗好多款😗 手工三寶丸 一份有齊墨魚丸 豬肉丸同埋牛肉丸 每粒都細細粒🍡 我地仲有嗌手工墨魚滑 Q彈正方形魚腐 台灣鴨血 蟹粉丸 芝士腸 香菇皇廷貢丸 芝心包同埋魚皮餃🥟 當中較深印象嘅係金沙魚蛋同埋醬爆濃芝牛丸 因為入面嘅餡係流心 真係要睇熱🤓 另外蔬菜更有特別嘅番薯苗🥬
小食
一坐低已經見到自家製Shake Shake黃金地瓜條有四款口味嘅Shake Shake可以選擇😮 包括甘酶 蕃茄 香辣同埋海苔 我今次試咗香辣味 黃金地瓜條都炸得幾乾身 另外香口野唔少得嘅炸魚皮同響鈴卷都係每次火鍋都會嗌😝
飲品
有多款無酒精飲品可以自由享用 當中包括自家製嘅無糖茶 汽水同埋其他罐裝茶類飲品🍵 個人幾鍾意餐廳嘅自家製桂花烏龍同埋自家製愛文芒果茉莉花茶🥭 芒果茉莉嘅味道幾特別 冇諗過呢個配搭又唔錯😌
雪糕
火鍋可以享用一人一杯嘅雪糕🍦 當中有Häagen-Dazs雪糕同埋Mövenpick雪糕可以選擇 我地就試左兩款特別口味嘅雪糕 椰子味道好香 咖啡口味好濃郁☕️
呢間放題最正就係無限時 啱晒約埋一大班朋友邊食邊吹水💛
張貼
