月爐．端燒

營業中

休息中

今日去旺角行街，當然要去最多好嘢食嘅白布街搵食啦，我哋見到有一間特色日本居酒屋好吸引，由於時間尚早，好彩仲有位😅 餐牌好多選擇，真係花多眼亂，見到有個二人套餐好抵食，一於抓緊夏天嘅尾巴，試試佢😋冰點夏日二人前 $468先付兩點盛：明太子薯仔沙律配牛蒡，薯仔軟綿綿，明太子醬香濃，牛蒡嘅脆口感真係加分，食完好開胃！時令日本真蠔日本真蠔勁creamy，好肥美得嚟仲好新鮮，真係好想再叫多幾隻！😍四色刺身拼盤 / 池魚刺身一條我哋揀咗池魚刺身，原條上好吸睛，好新鮮，肉質嫩滑，簡直係口感嘅享受，廚師預備咗香蔥柚子醋比我哋點嚟食，好夾好好味，比起平時配豉油wasabi更能食到魚嘅鮮味😋廚師精選燒物拼盤 / 馬友一夜乾我哋揀咗廚師精選燒物拼盤，好豐富，有粟米，蝦，翠肉瓜，雞肉，牛肉，最特別係月見免治雞肉棒，燒物燒得剛剛好，肉質鮮嫩，真係一串接一串咁食，月見免治雞肉棒點蛋汁嚟食，超嫩滑又有口感😍泡菜鴨肉冷稻庭鴨肉嫩滑，泡菜嘅酸辣味道啱啱好，配上冷稻庭烏冬，清爽又開胃，真係好味到爆！甜品蕨餅＆和果子蕨餅配吉士和果子，口感軟滑，甜而不膩，完美結尾！整體嚟講，呢間餐廳真係值得一試，無論係食材定係味道，都令我好