漁家莊 (已結業)

旺角行過見新開，門口擺咗大大個水箱放曬新鮮生猛海鮮吸睛又有質素保證。餐廳全日免收茶芥另收加一，環境光猛企理，職員態度友善。🔸大閘蟹 $28做緊優惠堂食可以每人用優惠價$28追加一隻非常抵食，size唔算話好大隻但一樣有爆膏，呢個價錢絕對收貨。🔸蒜蓉粉絲蒸扇貝（4隻）$88星期一至日都會有唔同特價菜式，是日星期五特價$88就食到4隻原價$192嘅蒜蓉粉絲蒸扇貝，同樣係非常抵食無得唔收貨。🔸漁家莊小炒王 $138用咗韮菜、蝦乾、腰果、魷魚、帶子片等材料炒豐富又夠晒鑊氣，仲有啲脆卜卜嘅應該係豬油渣加埋一齊食更香口惹味。🔸秘製好味骨 $138用大煲上夠曬熱辣辣，每條骨都沾上濃濃醬汁好夠味，感覺上味道有啲似帶胡椒味嘅酸梅骨。🔸香薯和牛粒 $180夠鑊氣，薯仔綿得嚟唔會有成口油感覺。