阿來泰式地道風味

營業中

休息中

阿來泰式地道風味📍 旺角通菜街97號地舖🦀 咖喱炒軟殼蟹 $128咖喱好香！唔會好辣但好惹味，我媽勁鍾意，撈住飯食到一滴不剩😂軟殼蟹都保留到香脆口感，入面應該有兩三隻軟殼蟹，好飽足！🍚 辣椒膏蝦頭油海鮮炒飯 $68好足料嘅炒飯，有兩隻大蝦、好多隻細蝦、魷魚仔、蟹柳等，炒到好乾身，蛋香、蝦香十足，微微地辣好上癮！我同阿媽一致覺得超好食！🍲 椰汁雞湯 $68呢個本身以為唔辣，但意外地幾辣，酸酸辣辣好開胃😋我哋嗌咗細份，但其實兩個人都夠分，因為入面料好多，有啲菇、雞肉、番茄仔咁～🥓 燒豬頸肉 $78醬汁酸酸辣辣幾惹味，外層都好香口，好大份！但係我哋覺得可以再燒乾多少少就會更加香口😂