雲南桂林過橋米線

營業中

休息中

呢間餐廳我食左幾年喇，真係唔錯嘅選擇。我今次揀咗小鍋米線，要小辣嘅口味。米線嘅湯底真係好濃郁，酸辣好好味！米線爽滑😉米線裡面已經有炸醬、芽菜同韭菜。炸醬嘅味道亦好濃郁，增加咗米線嘅層次感。😄芽菜同韭菜都好新鮮，帶嚟一啲脆脆嘅口感同香氣，同米線一齊食真係絕配！😍滷大腸同肥牛係我另外加嘅配料，味道亦好正！滷大腸熟得啱啱好，口感軟綿又帶有滷汁嘅香氣 肥牛係牛味十足🤪金針菇同埋生菜都幾新鮮，增加咗一啲蔬菜嘅清爽感，平衡咗整體嘅味道🤓餐廳嘅環境同服務都ok。餐廳唔大，但係都算整潔舒適。店員動作幾快，服務態度就中規中矩，快速又有效率😬價錢方面都公道，覺得cp值幾高。