影片
更多
2023-11-27
165 瀏覽
工作䌓重📈要平衡返身心，星期一約埋「社畜一號」一齊食返個Blue Monday Dinner ，比大家一個喘息空間😂大家行過麥花臣球場附近，近洗衣街有無發現到一間全少女粉紅外觀既西餐廳呢？原來佢係人氣打卡熱@amico1890 ，上次中午行過見到好多女仔喺門口影相📸️，果然個個女仔都真係藏有一顆少女❤️知唔知人氣食店最重要係咩？😂係記得要預約呀～雖然係星期一但真係好多人，因為我地比較坐近門口位置所以眼見枱枱客人都係有預約，為免等候時間長所以先溫馨提示🔔一下大家！巴馬火腿田園沙律🥗$68先來個健康沙律作頭盤，一路食一路傾計💬沙律菜拌有粟米粒，加入少許日式麻醬，再夾住巴馬火腿咸咸香香，很不錯！墨西哥雞鎚$58我自己比較偏愛食雞鎚，墨西哥口味帶點微辣，雞鎚焗得焦香絕對惹味開胃！雙鵝肝牛肉漢堡$188「社畜一號」話自己好耐無食過鵝肝，咁又試下依個配搭！竹炭漢堡包，配二片鵝肝，鵝肝煎得好好，外表焦焦脆脆但咬落去唔會爆到一口油，有點意外驚喜！牛肉漢堡肉味夠濃連同特製醬汁一齊食又再多一點層次，二人分享我覺得都幾適合！美國安格斯肉眼$188落單時會問要求熟度，今日想食熟一點！肉眼熟一點肉味會再突出，輕沾粒
知唔知人氣食店最重要係咩？😂係記得要預約呀～雖然係星期一但真係好多人，因為我地比較坐近門口位置所以眼見枱枱客人都係有預約，為免等候時間長所以先溫馨提示🔔一下大家！
巴馬火腿田園沙律🥗$68
先來個健康沙律作頭盤，一路食一路傾計💬沙律菜拌有粟米粒，加入少許日式麻醬，再夾住巴馬火腿咸咸香香，很不錯！
墨西哥雞鎚$58
我自己比較偏愛食雞鎚，墨西哥口味帶點微辣，雞鎚焗得焦香絕對惹味開胃！
雙鵝肝牛肉漢堡$188
「社畜一號」話自己好耐無食過鵝肝，咁又試下依個配搭！竹炭漢堡包，配二片鵝肝，鵝肝煎得好好，外表焦焦脆脆但咬落去唔會爆到一口油，有點意外驚喜！牛肉漢堡肉味夠濃連同特製醬汁一齊食又再多一點層次，二人分享我覺得都幾適合！
美國安格斯肉眼$188
落單時會問要求熟度，今日想食熟一點！肉眼熟一點肉味會再突出，輕沾粒粒粗鹽就更完美，配搭既薯條係大條粗身款，好正！
求其特飲$38
杯特飲好鬼靚，勁打卡😂紅莓+藍莓+士多啤梨+檸檬+梳打，點會唔好飲架啫😂
Tiramisu Latte $48
又係令人瘋狂打卡之作！到底我食左先定飲左先呢？😂媽，Why not both?
草莓海鹽奶蓋可頌$58
髒髒海鹽奶蓋可頌$58
是咁的，聽聞佢地既可頌非常出色，我又點可以唔留限額比我個甜品胃呢？叫二款係必須，髒髒款靚到我唔捨得去食，btw 可頌係真好食架！
隱藏😶🌫️飲品（唔知叫咩名）
社畜一號仲想叫多杯飲品，又唔知自己飲咩好～店員推薦我地飲杯有外在美又有內在美既飲品🥳睇圖啦（有雪糕球嗰杯呀！）
總結：定價合理，食物質素幾好而且有心思，回頭率極高！
仲有生日甜品畫提供（詳情請問店家，因為我未試過😂）
*設有加一服務費
張貼
