Ghetto Cafe

營業中

休息中

呢間特色burger，全店都係街頭文化風，牆壁塗鴉藝術型格打卡位超多。日頭係Cafe，夜晚係酒吧開到兩三點非常適合傾偈、食嘢、飲嘢。滋味粒粒巨蝦堡$90 加暗黑漢堡包$10蝦肉真材實料入口超彈牙，配埋蕃茄、生菜，口感豐富，而且清新唔油膩。加$10可以轉暗黑漢堡包，勁鬆軟，又特別。貧民窟大魔王漢堡 $110啱晒食肉獸漢堡超厚身又juicy，咬一口已經充滿牛肉汁，牛肉味香濃。粗薯條熱辣辣又香脆，好好食。炸洋蔥圈洋蔥新鮮，洋蔥嘅甜味加上外邊粉漿又脆又薄，食到停唔到口。水牛城雞翼少少辣，非常惹味。嘢飲我哋就叫咗日版零度 ASHAT ＆桂花威土忌。